Царква Нараджэння Іаана Прадцечы — праваслаўны храм у гістарычным цэнтры Ніжняга Ноўгарада. Драўляная царква святога Іаана Прадцечы «на таргу» ля Іванаўскага моста ўпершыню згадана ў Пісцовай кнізе 1621—1622 гадоў. Каменны храм асвечаны ў 1683 годзе, паўторна — 4 лістапада 2005 года. Ад назвы храма найбліжэйшая вежа крамля называецца Іванаўскай. Царква размяшчаецца на плошчы Народнага Адзінства.