![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1a/Papaver_somniferum_2021_G4.jpg/640px-Papaver_somniferum_2021_G4.jpg&w=640&q=50)
Алкалоіды
From Wikipedia, the free encyclopedia
Алкалоіды — група азотазмяшчальных арганічных злучэнняў прыроднага паходжання (часцей за ўсё расліннага), большасць з якіх валодае ўласцівасцямі слабой асновы. Некаторыя нейтральныя і нават слабакіслотныя злучэнні таксама адносяцца да алкалоідаў. Часам алкалоідамі называюцца і сінтэтычныя злучэнні аналагічнай будовы.
![Thumb image](http://upload.wikimedia.org/wikipedia/commons/thumb/1/1a/Papaver_somniferum_2021_G4.jpg/640px-Papaver_somniferum_2021_G4.jpg)
Апроч вугляроду, вадароду і азоту ў малекулы алкалоідаў могуць уваходзіць атамы серы, радзей — хлору, брому або фосфару. Многія алкалоіды валодаюць выяўленай фізіялагічнай актыўнасцю. Да алкалоідаў належаць, напрыклад, такія рэчывы, як марфін, кафеін, какаін, стрыхнін, хінін і нікацін.