![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/77/Ares_Canope_Villa_Adriana.jpg/640px-Ares_Canope_Villa_Adriana.jpg&w=640&q=50)
Арэс
From Wikipedia, the free encyclopedia
Арэс, Арэй (грэч. Ἄρης) — у старажытнагрэчаскай міфалогіі — бог падступнай, вераломнай вайны, вайны дзеля вайны.
![](http://upload.wikimedia.org/wikipedia/commons/thumb/7/77/Ares_Canope_Villa_Adriana.jpg/640px-Ares_Canope_Villa_Adriana.jpg)
Маюцца сведчанні аб яго нягрэчаскім, фракійскім, паходжанні.
Яго атрыбуты: кіпцюры, падпаленая паходня, сабакі, каршун.
Першапачаткова лічылася, што Гера нарадзіла Арэса хтанічна, без удзелу Зеўса, ад дакранання да чарадзейнай кветкі.
У алімпійскай міфалогіі Арэс ужо лічыцца сынам Зеўса і Геры. Сам Зеўс настолькі ненавідзеў Арэса, што казаў, што не будзь ён яго сынам, ён адправіў бы яго ў Тартар.
Арэс быў умілаваным багіні Афрадыты. Аб іх каханні і парушэнні Афрадытай шлюбнай пэўнасці вельмі часта згадваецца ў антычнай міфалогіі. Ад іх звяза нарадзіліся Эрот (каханне), Антэрас (запал, нянавісць), Фобас (страх), Дэймас (жах) і Гармонія.
З адной з эрыній Арэс спарадзіў фіванскага цмока, забітага Кадмам. Бацька Аскалафа і Іялмена (ад Астыохі). Ад звяза з плеядай Сцеропай нарадзіўся Эномай. Бацька амазонкі Антыопы (Іпаліты). Бацька фракійскага цара Дыямеда. Ад шлюбу з бістонскай німфай нарадзіўся фракійскі цар Тэрэй.
Арэс удзельнічаў у Траянскай вайне на баку траянцаў і быў пераможаны Афінай.
Спадарожніцамі Арэса былі багіня разладу Эрыда і крыважэрная Эніа.
Арэса атаясамляюць з рымскім Марсам.