Мінеральная вада
From Wikipedia, the free encyclopedia
Мінеральная вада — вада, якая змяшчае ў сваім складзе раствораныя солі, мікраэлементы, а таксама некаторыя біялагічна актыўныя кампаненты.
![Thumb image](http://upload.wikimedia.org/wikipedia/commons/thumb/0/02/Stilles_Mineralwasser.jpg/220px-Stilles_Mineralwasser.jpg)
Сярод мінеральных вод вылучаюць мінеральныя прыродныя пітныя воды, мінеральныя воды для вонкавага прымянення і іншыя. Мінеральныя воды для вонкавага прымянення выкарыстоўваюцца для ваннаў, купанняў, душаў, якія праводзяцца ў лячэбных басейнах, а таксама для інгаляцый і паласканняў пры захворваннях насаглоткі і верхніх дыхальных шляхоў, для арашэнняў і прамывання полых органаў і інш.
У ЗША мінеральнай вадой лічыцца вада з агульнай мінералізацыяй не менш як 250 мг на дм ³ пры ўмове, што яна паходзіць з падземнай і фізічна абароненай крыніцы, характарызуецца пастаянным узроўнем і пастаяннай прапорцыяй канцэнтрацыі кампанентаў і адсутнасцю мінеральных штучных дабавак.