Царква Святога Георгія (Астроўкі)

Царква ў імя святога велікамучаніка Георгія Перамоганосца — храм у в. Астроўкі Нясвіжскага раёна Мінскай вобласці. Занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.

Праваслаўны храм
Царква Святога Георгія
53°21′19,32″ пн. ш. 26°25′56,95″ у. д.HGЯO
Краіна	Беларусь
Вёска	Астроўкі
Канфесія	Беларуская праваслаўная царква
Епархія	Слуцкая епархія
Дата пабудовы	1844 год
Статус	Гісторыка-культурная каштоўнасць Беларусі, шыфр 613Г000484шыфр 613Г000484
Медыяфайлы на Вікісховішчы

Знаходзіцца на поўдзень ад вёскі. Пабудавана каля 1844 з дрэва.

Архітэктура

Вырашана ў традыцыях народнага дойлідства. На невысокім цагляным падмурку з драўляных брусоў пастаўлены 2 зрубы, аб'яднаныя ў падоўжна-восевую прасторавую кампазіцыю.

«Маці Божая са Святым Францыскам і Бернардам Сіенскім» («Мадонна Сапегаў»). Сярэдзіна 18 ст. МСБК НАН

Да прамавугольнага ў плане галоўнага зруба з усходу далучана пяцігранная апсіда з квадратнымі ў плане бакавымі нізкімі рызніцамі. Галоўны аб'ём накрыты высокім вальмавым дахам, пасярэдзіне якога ўзвышаецца галоўка на двух'ярусным васьмерыковым барабане. Больш нізкае, шматсхільнае пакрыццё апсіды таксама завершана галоўкай на васьмерыку. Спалучэнне пластычных дахаў і галовак над імі надае будынку маляўнічы сілуэт, шматпланавасць аб'ёмнай кампазіцыі. Гарызантальна ашаляваныя фасады рытмічна расчлянёны прамавугольнымі аконнымі праёмамі ў плоскіх ліштвах і вертыкальнымі сцяжкамі ў прасценках.

Літаратура

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

Спасылкі

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 613Г000484

• Царква Святога Георгія (Астроўкі) на сайце Radzima.org
• Царква Святога Георгія (Астроўкі) на сайце Глобус Беларусі (руск.)
• Царква Святога Георгія (Астроўкі) на сайце Праваслаўная архітэктура Беларусі (бел.)
• Царква Святога Георгія (Астроўкі) на сайце «Архіварта»