चउथी बौद्ध संगीति
From Wikipedia, the free encyclopedia
चउथी बौद्ध संगीति के नाँव से बौद्ध धर्म के दू ठो संगीति (सम्मलेन) सभ के जानल जाला। एह दु गो में से पहिली श्रीलंका में पहिली सदी ईसा पूर्व में भइल आ एही संगीति में थेरवाद के त्रिपिटक के ताड़ के पत्ता पर लिख के सुरक्षित कइल गइल।
दुसरकी संगीति काश्मीर में पहिली सदी ईसवी में भइल आ ई सर्वास्तिवाद के लोग के संगीति रहे। एकर मुख्य उद्देश्य महायान के कुछ चीज के स्वीकार कइल रहे आ एही संगीति में बुद्ध के पूजा, मूर्ति आ बोधिसत्व के संकल्पना के स्वीकार कइल गइल।[1] एह संगीति में सर्वास्तिवाद के त्रिपिटक के संकलन भइल जवन मूल रूप में संस्कृत में रहे बाकी अब किछु अंश मात्र बचल बाटे, चीनी अनुवाद पूरा मिलेला।[2]