लचका
From Wikipedia, the free encyclopedia
लचका (अंग्रेजी: Ford) छोट नदी चाहे नाला के पार करे खातिर एगो जुगति हवे, जहाँ पानी छिछिल होखे ला नदी के तली में पाथर डाल के चाहे पक्का बना के ओह जगह के इस्तेमाल नदी पार करे खातिर कइल जा सके ला। एह तरीका से ई अइसन क्रासिंग होला जहाँ से हेल के चाहे अगर गाड़ी होखे तब गाड़ी के हेला के पार करा लिहल जाला। ई पुल बनावे के तुलना में सस्ता होला।
Quick Facts Ancestor, Related ...
Close
बिहार के बाढ़ वाली नदी सभ में, जब ऊ कई धारा में बहें, उपटान वाला जगहन पर ब्रिटिश काल में अइसने लचका बनावल जाए के उल्लेख मिले ला जेकरे जगह बाद में ह्यूम पाइप कल्वर्ट के निर्माण होखे लागल।[1] ह्यूम पाइप कल्वर्ट बड़ साइज के बोमा होलें जिनहना के कम पानी वाला आ पातर पाट वाला अस्थान पर भंसा के ऊपर से पुल बना लिहल जाला। ढेर बाढ़ वाला स्थिति में लचका खतरनाक होला आ आवागमन बंद करे के पड़े ला।