बिज्ञान

बिज्ञान चाहे बिग्यान, साइंस (Science), ज्ञान के अइसन सिस्टम हवे जे भौतिक दुनियाँ के बारे में सिस्टमेटिक तरीका से (बैज्ञानिक बिधी से) जानकारी, ज्ञान आ अनुभव हासिल करे ला; बिना कौनों लाग-लपेट के भौतिक चीजन के देखे, परखे आ उनहन पर टेस्ट आ एक्सपेरिमेंट क के उनहना के बारे में ज्ञान के बढ़ती करे के काम करे ला। एह तरीका से हासिल कइल गइल ज्ञानवो के बिग्यान भा साइंस कहल जाला। बिज्ञान भा साइंस के मुख्य रूप से तीन हिस्सा में बाँटल जाला - प्राकृतिक बिज्ञान (फिजिक्स, केमेस्ट्री आ बायोलॉजी नियर), ब्यावहारिक बिज्ञान (समाजशास्त्र, भूगोल, इतिहास नियर), आ फॉर्मल बिज्ञान (तर्कशास्त्र, गणित, आ गणितीय बिग्यान)। ^[1][2]