आयोनियन सागर

आयोनियन सागर (अंग्रेजी: Ionian Sea) भूमध्य सागर के हिस्सा हवे जे एगो खाड़ी (bay) नियर सागर हवे। एकरे पच्छिम में इटली के मुख्य प्रायदीप आ सिसिली टापू बाड़ें आ पूरुब में ग्रीस देस (यूनान) बा; उत्तर में ई एड्रियाटिक सागर से एगो पातर ओत्रांतो जलजोड़ से जुड़े ला। एह सागर में जादेतर मौजूद दीप सभ एकरे पूरबी हिस्सा में बाड़ें जे ग्रीस के हिस्सा हवें, इनहन में मुख्य समूह के आयोनियन दीपसमूह कहल जाला।

आयोनियन सागर
Boundaries of Ionian Sea: red lines define border per International Hydrographic Organisation
लोकेशन	दक्खिनी यूरोप
निर्देशांक	38°N 19°E
प्रकार	सागर
निकास	भूमध्य सागर
थाला के देस	अल्बानिया, यूनान (ग्रीस), आ इटली

आयोनियन सागर में मौजूद कैलिप्सो गर्त भूमध्यसागर के सभसे गहिरी गर्त हवे जे हेलेनिक समुंद्री खाईं के हिस्सा हवे।