![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Albrecht_D%25C3%25BCrer_-_Adam_and_Eve_%2528Prado%2529_2.jpg/640px-Albrecht_D%25C3%25BCrer_-_Adam_and_Eve_%2528Prado%2529_2.jpg&w=640&q=50)
Adam hag Eva (Dürer)
taolenn gant Albrecht Dürer / From Wikipedia, the free encyclopedia
Adam hag Eva a zo ur rumm eoullivadurioù war banelloù, livet gant an arzour alaman Albrecht Dürer, ha peurechuet gantañ e 1507, goude bezañ savet ur c'houevrengravadur war ar memes dodenn e 1504. Gwelout a reer e tennas gounid Dürer eus e veaj da Italia evit a sell ouzh an doare da daolenniñ tud. An div daolenn alaman gentañ da ziskouez tud en o noazh, hag a vent wirion, eo.
![Thumb image](http://upload.wikimedia.org/wikipedia/commons/thumb/a/a2/Albrecht_D%C3%BCrer_-_Adam_and_Eve_%28Prado%29_2.jpg/640px-Albrecht_D%C3%BCrer_-_Adam_and_Eve_%28Prado%29_2.jpg)
Eoullivadur war banelloù.
Uhelder : 2,09 m, ledander : 80 ha 81 cm
Miret e voe Adam hag Eva e Kastell Praha da gentañ, perc'hennet gant an impalaer Rudolf II. Preizhet e voe ar c'hastell e-pad ar Brezel Tregont Vloaz, ha neuze e voe perc'hennet an daolenn gant Gustav II Adolf Sveden. E verc'h, Kristina Sveden, a roas an oberenn da Fulup IV Spagn e 1654. E 1777 e kemennas ar roue Carlos III Spagn e vefe kuzhet an daolenn er Real Academia de Bellas Artes de San Fernando. Diwar 1827 e voe dalc'het e Mirdi ar Prado e Madrid, ha lakaet war ziskouez azalek 1833.