![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b5/Loreley_rhine_valley_wp_d_schmidt_08_07.jpg/640px-Loreley_rhine_valley_wp_d_schmidt_08_07.jpg&w=640&q=50)
Loreley
From Wikipedia, the free encyclopedia
Al Loreley (pe Lorelei) zo ur vri roc'hellek war lez reter ar stêr Roen, e-kichen Sankt Goarshausen, en Alamagn.
![Thumb image](http://upload.wikimedia.org/wikipedia/commons/thumb/b/b5/Loreley_rhine_valley_wp_d_schmidt_08_07.jpg/640px-Loreley_rhine_valley_wp_d_schmidt_08_07.jpg)
Sevel a ra betek 120 metr a-us an dour. Eno emañ al lec'h m'emañ ar stêr en he strishañ etre Suis ha Mor an Hanternoz. Al lec'h brudetañ eo e Kanienn ar Roen, ul lodenn enk eus traoñienn ar stêr-se, etre Koblenz ha Bingen, hag a zo bet lakaet e-touez lec'hiennoù glad naturel ar bed, abaoe Mezheven 2002. Kreñv eo kas an dour e-harz al Loreley ha kerreg zo er stêr. Gant se ez eus bet gwallzarvoudoù gant meur a vag eno.
Hervez ar mojennoù ez eo Loreley ivez anv un Niksenn, ur voudig eus an doureier, dezhi stumm ur plac'h yaouank kaer, azezet e diribin ar vri, o kanañ. Gant he c'hanaouennoù e vez hoalet ar vageerien ha mont a ra o bigi a-benn er c'herreg.