Molière - Wikiwand
For faster navigation, this Iframe is preloading the Wikiwand page for Molière.

Molière

Eus Wikipedia

Molière
Molière

Jean-Baptiste Poquelin zo brudetoc'h evel Molière, an anv dibabet gantañ evit c'hoari war al leurenn, a oa ur c'hoarivaour ha skrivagner gall badezet d'ar 15 a viz Genver 1622 ha marvet d'ar 17 a viz C'hwevrer 1673. Ganet en ur familh marc'hadourien eus Pariz, d'an oad a 21 vloaz en em stroll gant un dek a gamaladed, e-touezh anezho an aktourez Madeleine Béjart, ha sevel ar strollad c'hoariva Illustre Théâtre. En desped da vezañ harpet gant dramaourien brudet, ne teuio ket a-benn da vezañ brudet e Pariz. E-pad 13 vloaz, Molière gant e gamaladed a ya e stumm ur strollad fiñv e su ar rouantelezh c'hall. Meur a arc'hantour a vo o sikour ar strollad. E-pad ar amre-se, Molière a sav farsadennoù pe komediennoù berr, div anezho o vezañ reoù hir nemetken. Distroet e Pariz e 1658, dont a ra da vezañ prim, e penn e strollad, an aktour ha c'hoarivaour karetañ gant ar roue yaouank Loeiz XIV hag e lez. Molière a sav abadennoù lies, o labourat gant gwellañ tisaverien leurenn, sonerien, korollerien ar vro. Marvet eo d'an oad a 51 vloaz, nebeut eurvezhioù goude bezañ bet c'hoariet evit ar pevare gwech roll pennañ ar pezh Le Malade imaginaire.

Savet ez eus bet pezhioù c'hoari lies gant Molière, darn ar rolloù pennañ a oa c'hoariet gantañ. Molière a oa mailh war implij doareoù lies ar fent: komz, jestraouiñ, gwelet ha darvoudus.

Molière o c'hoari Kaezar en La Mort de Pompée, poltred gant Nicolas Mignard (1658)
Molière o c'hoari Kaezar en La Mort de Pompée, poltred gant Nicolas Mignard (1658)

Oberennoù

  • Le Médecin volant (1645)
  • La Jalousie du barbouillé (1650)
  • L'Étourdi ou les Contretemps (1655)
  • Le Dépit amoureux (1656)
  • Le Docteur amoureux (1658; collwyd)
  • Les Précieuses ridicules (1659)
  • Sganarelle ou le Cocu imaginaire (1660)
  • Dom Garcie de Navarre ou le Prince jaloux (1661)
  • L'École des maris (1661)
  • Les Fâcheux (1661)
  • L'École des femmes (1662)
  • La Jalousie du Gros-René ( 1663) (= "La Jalousie du Barbouillé")
  • La Critique de l'école des femmes (1663)
  • L'Impromptu de Versailles (1663)
  • Le Mariage forcé (1664)
  • Gros-René, petit enfant (1664; )
  • La Princesse d'Élide (1664)
  • Tartuffe ou l'Imposteur (1664)
  • Dom Juan ou le Festin de pierre (1665)
  • L'Amour médecin (1665)
  • Le Misanthrope ou l'Atrabilaire amoureux (1666), lakaet e brezhoneg gant Serj Richard, gant an titl An Dengasaour (2013).
  • Le Médecin malgré lui (1666)
  • Mélicerte (1666)
  • Pastorale comique (1667)
  • Le Sicilien ou l'Amour peintre (1667)
  • Amphitryon (1668)
  • George Dandin ou le Mari confondu (1668)
  • L'Avare ou l'École du mensonge (1668)
  • Monsieur de Pourceaugnac (1669). A zo bet troet, ha kempennet kalzik, gant Yann-Vari Perrot.
  • Les Amants magnifiques (1670)
  • Le Bourgeois gentilhomme (1670)
  • Psyché (1671)
  • Les Fourberies de Scapin (1671). A zo bet lakaet e brezhoneg ivez gant Yann-Vari Perrot.
  • La Comtesse d'Escarbagnas (1671)
  • Les Femmes savantes (1672)
  • Le Malade imaginaire (1673)

E brezhoneg

Gant Marcel Divanach
  • Ar medesin eneb dezañ, troet diwar Le Médecin malgré lui,
  • Ar garantez medisin, troet diwar L'Amour médecin,
Gant Yann-Vari Perrot
Gant Serj Richard
  • An Dengasaour (diwar "Le Misanthrope"), Mouladurioù Hor Yezh, 2013
{{bottomLinkPreText}} {{bottomLinkText}}
Molière
Listen to this article