![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/07/Atestado_de_compra_de_escravos_feito_por_Agostinho_Jos%25C3%25A9_de_Carvalho%252C_a_mando_do_Sr._Ant%25C3%25B4nio_da_Silva_Prado%252C_Arquivo_P%25C3%25BAblico_do_Estado_de_S%25C3%25A3o_Paulo.pdf/page1-640px-Atestado_de_compra_de_escravos_feito_por_Agostinho_Jos%25C3%25A9_de_Carvalho%252C_a_mando_do_Sr._Ant%25C3%25B4nio_da_Silva_Prado%252C_Arquivo_P%25C3%25BAblico_do_Estado_de_S%25C3%25A3o_Paulo.pdf.jpg&w=640&q=50)
Morianeta
From Wikipedia, the free encyclopedia
Ar morianeta, pe sklaveta a-wechoù, eo an ober a veze kaset en-dro gant tud Europa en Afrika, etre ar XVIvet kantved (dreist-holl) hag an XIXvet, pa glaskent afrikaned (lesanvet morian d'ar mare-se) da gas da werzhañ da Amerika. E Breizh e voe kemeret perzh er c'henwerzh-se ivez, dre porzh Naoned dreist-holl, met ivez en Oriant ha Sant-Malo.
![Thumb image](http://upload.wikimedia.org/wikipedia/commons/thumb/1/17/AfricanSlavesTransport.jpg/640px-AfricanSlavesTransport.jpg)
Trizek kantved en deus padet ar morianeta, gant milionoù a dud skrapet ha lakaet da sklaved. Meur a hini a zo bet, dre vras e vez komzet eus tri doare morianeta. Diaes-diaes eo d'an istorourien kaout sifroù sirius ha memes kavout resis padelezh wirion ar c'henwerzh-se.
Morienata ar Sav-heol, pe morienata arab-muzulman gant 17 milion a dud deportet a-hed 13 kantved. Morienata etre Afrikaned gant 14 milion a dud deportet. Ar Morienata Atlantel gant 12 milion a dud deportet (90 % anezho e-kerzh 110 vloaz dreist-holl en XVIIIvet kantved).
![Thumb image](http://upload.wikimedia.org/wikipedia/commons/thumb/a/ad/Cauris_et_perles_%C3%A9chang%C3%A9s_contre_des_esclaves-Mus%C3%A9e_d%27Aquitaine.jpg/640px-Cauris_et_perles_%C3%A9chang%C3%A9s_contre_des_esclaves-Mus%C3%A9e_d%27Aquitaine.jpg)