Ar Sened a zo unan eus div gambr-lezenniñ Bro-C'hall, gant ar Vodadenn Vroadel. Emañ ar galloud lezenniñ en e zalc'h war un dro gant ar Vodadenn Vroadel. Hervez mellad 24 bonreizh ar Pempvet Republik ez eo dileuriad ar strollegezhioù lec'hel hag ar C'hallaoued a ra o annez en estrenvro.
Kemmet eo bet meur a wezh an doare da zilenn ar senedourien, met, abaoe 2003, e vez dilennet ar senedourien dre vouezhiadeg hollek dieeun. Da lâret eo n'eo ket dilennet ar senedourien war-eeun gant ar bobl. Dilennet e vezont gant 150 000 dilenner meur. Aozet e vez an dilennadegoù bep tri bloaz. Betek 2011 e veze choazet un drederenn eus ar sezoù met bremañ e vez cheñchet an hanter anezhe bewezh[1].
Dilennidi ar sened
Niver hag orin an dilennidi
Anvet ivez kambr uhel, ar sened a yae 331 senedour dilennet d'ober anezhañ. Kemmet eo bet ungaladur sezoù ar senedourien e pep departamant evit klotañ gwelloc'h gant emdroadur poblañs ar C'hwec'hkorneg. Tremenet eo niver ar senedourien da 343 e 2008 ha da 348 e 2011.
| Orin | Sezoù | ||
|---|---|---|---|
| 2004 | 2008 | 2011 | |
| Departamantoù ar vetropolenn hag eus an tiriadoù tramor[2] | 313 | 322 | 326 |
| Kaledonia-Nevez | 1 | 1 | 2 |
| Polinezia | 1 | 2 | 2 |
| Mayotte | 2 | 2 | 2 |
| Sant-Bartalami[3] | 1 | 1 | |
| Sant-Martin[3] | 1 | 1 | |
| Sant-Pêr-ha-Mikelon | 1 | 1 | 1 |
| Wallis-ha-Futuna | 1 | 1 | 1 |
| Gallaoued o vevañ en estrenvro[4] | 12 | 12 | 12 |
| Hollad | 331 | 343 | 348 |
Piv ’zo er bodadegoù dilenn?
Dilennet e vez ar senedourien gant an dilennerien veur, bodet e pep departamant en ur vodadeg dilenn a gaver enni :
- Dileuridi eus ar kuzulioù kêr. Mont a reont d'ober 95 % eus ar bodadegoù dilenn.
- An holl guzulierien departamant, an holl guzulierien rannvro hag ar gannaded. Mont a reont d'ober 5 % eus ar bodadegoù dilenn.
Dilennidi an dilennidi eo ar senedourien eta, rak dilennet e vezont dre vouezhiadeg hollek dieeun, da lâret eo gant an dilennerien veur, bet dilennet o-unan dre vouezhiadeg eeun. Er vodadeg dilenn ez eus war-dro 150 000 a dud, en o zouez :
- 577 kannad
- 1 870 kuzulier rannvro ;
- 4 000 kuzulier departamant ;
- 142 000 dileuriad eus ar c'huzulioù-kêr.
Doare da zilenn ar senedourien
Arc'hant
Ur perc'henn bras eo ar Sened gall, hag ur chadenn skinwel (gallek evel-just) zo dezhañ.
Meur a enklask-polis zo bet diwar-benn aferioù arc'hant ha prezidant ar Sened Christian Poncelet.
Liammoù diavaez
Notennoù
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
