Yezhoù frizek

Ur skourr eus ar yezhoù germanek eo ar yezhoù frizek (Frysk pe friisk).

Tachenn ar frizeg (gant fazioù : enez Skiermûntseach a zlefe bezañ melen, an Noordoostpolder a zlefe bezañ gris)

Komzet e vez rannyezhoù frizek a-hed aodoù Mor an Hanternoz, e proviñs Friz en Izelvroioù, e Saterland (Alamagn) hag e Schleswig-Holstein (Alamagn). En Izelvroioù emañ an darn vrasañ eus komzerien ar frizeg o vevañ (350 000 a dud).

Rannañ a reer ar yezhoù frizek e tri bloc'had pennañ:

• Frizeg ar c'hornôg pe, ent berr, Frizeg
• Frizeg ar reter
• Frizeg an norzh, disheñvel a-walc’h ar rannyezhoù anezhañ

An disheñvelderioù etre ar yezhoù frizek

Frizeg ar c'hornôg	holle	foarholle	each	noas	mûle	tosk	kin	wang	ear
Frizeg ar reter (Sealterfrysk)	Kop	Stierne	Oge	Nose	Mule	Tusk	Keeuwe	Soke	Oor
Frizeg an norzh (Mooring)	hood	foorhood	uug	noos	müs	täis	kan	siik	uur
Frizeg an norzh (Fering)	hood	braanj	uug	nöös	mös	tus	kan	sjuuk	uar
Saozneg	head	forehead	eye	nose	mouth	tooth	chin	cheek	ear
Brezhoneg	penn	tal	lagad	fri	genoù	dant	elgezh	boc'h, jod	skouarn

Skouerioù

Brezhoneg : Ar paotr a floure ar plac’h tro-dro d’hec’h elgez ha pokat a rae dezhi war he divjod.
Nederlandeg : De jongen aaide het meisje langs haar kin en kuste haar op haar wangen.
Alamaneg : Der Junge streichelte das Mädchen ums Kinn und küsste sie auf die Wangen.
Saozneg : The boy caressed the girl round the chin and kissed her on the cheeks.

Frizeg an norzh (frasch) : Di dreng aide dåt foomen am dåt kan än mäket har aw da siike.
Frizeg ar reter (seeltersk) : Die Wänt strookede dät Wucht uum ju Keeuwe un oapede hier ap do Sooken.
Frizeg ar c’hornôg (frysk) : De jonge streake it famke om it kin en tute har op 'e wangen.

Alamaneg izel ar C'hornôg Friz ar Reter : De Jung straktde dat Wicht üm't Kinn to un tuutjede hör up de Wangen.
Friz ar C’hornôg (rannyezh) : De joôn streek ut moidje om de kin en smokte heur op de wange.

Groningeneg kozh : Der Jung strookde daet Wicht umme tsiin to unde tuude ier up Zeuken
Groningeneg nevez : t Jong fleerde t wicht om kinne tou en smokte heur op wangen

Sevenadur frizek

• Gysbert Japiks, barzh
• Rely Jorritsma, skrivagner/barzh
• Obe Postma, barzh
• Twarres. Gant ar strollad Twarres eo bet ledet ar frizeg e-mesk ar bobl e Belgia gant e ganaouenn Wêr bisto.

Levrlennadur

• Handbuch des Friesischen / Handbook of Frisian Studies, embannadurioù Horst H. Munske (Tübingen: Niemeyer, 2001)
• Rolf H. Bremmer Jr, An Introduction to Old Frisian. History, Grammar, Reader, Glossary (Amsterdam ha Philadelphia: John Benjamins, 2009)