Arar

An arar zo ur benveg da labourat an douar a anavezer abaoe ar bloavezhioù -3000 (IV^e milved kent JK) e Mezopotamia.
Staget e veze ul loen outañ evit e sachañ a-benn drailhañ gorre an douar. Da gentañ ne oa nemet un tamm koad en he fezh, goude eo betek pemp tamm a yae d'ober anezhañ.

• An Arar eo ivez anv kozh ar stêr Saône.

---

Arar goad implijet e Rousilhon en XX^vet kantved

E Breizh, e Karaez, e vez aozet ur fest a vez graet Gouel an Erer Kozh anezhi.

Anv

Arar pe alar a vez implijet, hag ivez alaer, diwar arare, "arat" e latin ; gourel eo ar ger, erer eo e liester.

E skridoù zo e vez komzet eus meur a seurt erer :

• Un arar da blomañ zo un arar da freuziñ douar^[1].
• Un arar da gignat ne ra nemet kignat an douar^[2].

Deskrivadur

Arat gant an arar sachet gant un denn gezeg.

Un arar koad sachet gant daou yak e Tibet.

Daou venveg zo e gwirionez dindan an hevelep anv :

• an arar koad eo ar benveg kozh implijet e Breizh betek dibenn an eil brezel bed e tachennoù zo.
• an arar houarn pe dir eo ar benveg a vez graet "brabant", "klev houarn", "klevioù" er Vro-Vigoudenn, "daoubenneg" e-kichen Douarnenez anezhañ ivez.

Arar a-vremañ

Arar 1. Lazh (kamm eo amañ) 2. Da sterniañ loened 3. Reolier 4. Kontell 5. Beg ar soc'h 6. Soc'h 7. Skouarn, ulid.

Un arar a-vremañ a vez staget ouzh un trakteur.

• Kilhoroù a reer eus ar penn a-raok^[3].