Biwmares

Biwmares (Beaumaris e saozneg) zo ur gêr e gevred Enez Mon e Kmebre, war ribl ar Menai. Un anv normanek zo d'ar gêr hag a dalvez geun brav (beau marais e galleg).

Biwmares

bourc'h

Anv ofisiel	Beaumaris, Biwmares
Stad	Rouantelezh-Unanet
E tiriad	Beaumaris
Kontelezh istorel	Anglesey
Daveennoù douaroniel
Aotrouniezh	Beaumaris Town Council
Staget ouzh	Niwbwrch
Kod-post	LL58
Lec'hienn ofisiel	http://www.beaumaris.org.uk/
Kod pellgomz an takad	01248
Daveennoù an Ordnance Survey	SH6076

]]

Commons

Muioc'h a restroù diwar-benn

Biwmares

a vo kavet e Wikimedia Commons.

Savet e voe Biwmares evel m'emañ bremañ e dibenn an XIII^vet kantved, goude aloubadeg Enez Mon gant ar roue saoz Edouarzh Iañ. Lakaat a reas sevel ur c'hastell en ul lec'h ma oa ur gêriadenn anvet Llan-faes. Skarzhet e voe tud ar gêriadenn, kaset e voent da Niwbwrch, ha dont a reas Saozon d'ober o annez er gêr nevez e-kichen Kastell Biwmares, a oa unan eus kreñvlec'hioù saoz hanternoz Kembre, evel Kastell Caernarfon, Kastell Harlech pe c'hoazh Kastell Conwy.

Hiziv n'eo ket Biwmares ur greizenn velestraduel a bouez ken : e Llangefni emañ Kuzul kontelezh Mon (Sir Fôn). Derc'hel a ra Biwmares da vezañ ul lec'h darempredet koulskoude, gant miliadoù a douristed o tont di bep bloaz.

• 
  Iliz an itron Varia, m'emañ bez ar briñsez Siwan, gwreg Llywelyn Fawr