Coluche

Michel Gérard Joseph Colucci, lesanvet Coluche, a oa ur fentigellour hag aktour gall, ganet d'an 28 a viz Here 1944 e 14vet arondisamant Pariz hag aet da Anaon d'an 19 a viz Even 1986 en Opio (Alpes-Maritimes).

Coluche

den

Reizh pe jener	paotr
Bro ar geodedouriezh	Bro-C'hall
Anv ganedigezh	Michel Gérard Joseph Colucci
Anv-bihan	Michel
Anv-familh	Colucci
Deiziad ganedigezh	28 Her 1944
Lec'h ganedigezh	14th arrondissement of Paris
Deiziad ar marv	19 Mez 1986
Lec'h ar marv	Opio
Doare mervel	marv dre zegouezh
Abeg ar marv	traffic collision
Deiziad douarañ pe deviñ	24 Mez 1986
Lec'h douaridigezh	bered eus Montrouge
Pried	Fred Romano, Véronique Colucci
Bugel	Romain Colucci, Marius Colucci
Kar	René Metge
Yezhoù komzet pe skrivet	galleg
Tachenn labour	acting, humor, comic
Implijer	Europe 1, RMC, RFM, Charlie Hebdo
Karg	founder
Deroù ar prantad labour	1969
Dibenn ar prantad labour	1986
Ezel eus	Les Restaurants du Cœur
Prizioù resevet	César Award for Best Actor
Lec'hienn ofisiel	https://www.restosducoeur.org/
Documentation files at	SAPA Foundation, Swiss Archive of the Performing Arts

Tresadenn Coluche doare bloavezhioù 1970

Mab d'un enbroad italian ha d'ur vaouez c'hall, Michel Colucci zo bet desavet en Montrouge. Choaz a reas al lesanv « Coluche » d'an oad a 26 vloaz, pa grogas gant hent ar fentigellouriezh. Ne oa ket direnket gant an dizoare ; hervezañ, « hep bezañ hudur biken », Coluche a gav un doare da vezañ nevez ha flemmus gant un ton dieub er music-hall, o tagañ an difennoù, an talvoudegezhioù mat ha politikel er gevredigezh. E 1975 e teuas da vezañ brudet dre lua ur c'hoari skinwel : Le Schmilblick.

A-raok 1976 e oa un aktour bihan gant rolloù a-eil er sinema nemetken. Goustadik e voe fiziet ennañ rolloù kreiz, evel en L'Aile ou la Cuisse gant Louis de Funès. Er bloavezhioù 1980 e voe gwelet e filmoù a reas berzh bras, dreist-holl filmoù fentus. E 1977 e krogas gant ar seveniñ filmoù en ur vezañ kenbroduer Vous n'aurez pas l'Alsace et la Lorraine gant Marc Monnet. Brudet mat e voe evel aktour eo bet gant berzh Inspecteur la Bavure (1980), Le Maître d'école (1981), Deux Heures moins le quart avant Jésus-Christ (1982), Banzaï (1983), La Femme de mon pote (1983) pe La Vengeance du serpent à plumes (1984) c'hoazh. E 1984 e voe enoret gant César ar gwellañ aktour evit e roll drama en Tchao Pantin gant Claude Berri.

Tro-ha-tro atahiner pe stourmer war an domani sokial, en em ginnig a reas evel danvez prezidant evit dilennadegoù Bro-C'hall 1981 a-raok paouez, gwasket ha gourdrouzet ma oa bet. Brudet spontus ha karet gant ar bobl, sevel a reas e 1985 ar gevredigezh Les Restos du cœur, a sikour ar re baourañ. Mervel a reas un nebeud mizioù goude en ur gwallzarvoud moto.

Buhez

Yaouankiz

Michel Colucci a zo bet gant d'an 28 a viz Here 1944, e mammelezh Notre-Dame de Bon Secours er XIVvet arondisamant Pariz. Ur c'hoar henañ a oa gantañ, Danièle, ganet e 1942. Ar vamm, Simone Bouyer lesanvet Monette (1920-1994), a oa o labourat er stal bleunioù Baumann, boulevard du Montparnasse. An tad, Onorio Colucci, ganet e Casalvieri (rannvro al Latium) en Italia, a oa livour war savadurioù. Ganet, d'an 29 a viz Du 1916, a oa marvet 31 a viz Here 1947, oadet a 30 vloaz, gant ur poliomielit. He unan ar vamm a rank labourat evit bouetañ an tiegezh. Dilaosket gant ar familh gaer (nemet Maria, mamm Onorio a dremen da welet anezhi hag ar vugale), Monette, Danièle, a vo gwreg René Metge, ha Michel a vev an holl asambles en ur pezhig hag er gegin.