De fordømtes legion

De fordømtes legion lejion ar re daonet

Titl orin	De fordømtes legion
Aozour	Sven Hassel
Doare	Romant istorel
Embanner	MHA Books
Deiziad embannadur	1añ a viz Genver 1953
Yezh	Danek
Bro	Danmark
kemmañ

Notennig

Un notenn a zo e-penn kentañ al levr :

Al levr a zo dediet d'ar soudarded dianav kouezhet evit un abeg ha na oa ket dezho, d'am gwellañ kamaraded er 27vet rejimant panzer (pinijennañ) hag ivez d'ar maouezed kalonek o deus ma sikouret e-pad ar bloavezhioù spouronus-se.

Oberst Manfried Hinka

Oberstleutnant Erich Von Barring

Oberwfeldwebel Willie Beier

Unteroffizier Hugo Stege

Stabsgefreiter Gustav Eicken

Obergefreiter Anton Steyer

Gefreiter Hans Breuer

Unteroffizier Bernhard Fleischmann

Gefreiter Asmus Braun

Hag

Eva Schadows, studierez war ar gwir

Ursula Schade, Doktorez medisinerez

Barbara Von Harburg, infirmiourez

Dezertour hudur

Sven Hassel e-tal ar barn-brezel evit bezañ dezertet. Kondaonet eo da 15 vloaz labour ret er c'hampoù-bac'h. Eva Schadows, gant sikour ur gamaladez, a glask didamallañ Sven Hassel en ur lakaat ar bec'h warni ; kondaonet eo-hi da 5 bloaz kamp-bac'h e Ravensbrück.

Mervel a raent e-pad an deiz, mervel a raent e-pad an noz

Deskrivadur resis eus bed ar c'hampoù-bac'h e Lenggries. Displegañ a ra an dudenn pennañ perak e felle dezhañ skrivañ e istor.

Fagen

Taolennadur kamp-bac'h Fagen. Labour sot, met ur chañs a zo da vezañ dieubet goude bezañ distrujet 225 bombezenn. Taolioù-arnod en ospital ha distro da brizon Lenggries. Sven Hassel a zo pardonet met kaset d'ur rejimant pinijennañ.

Kant pemp ha tregont korf

Taolennadur ur rejimant pinijennañ hag ar gourdoniñ e kamp gourdoniñ Sennelager.

Koaraj ha labour-dorn

Enselladennoù er rejimantoù pinijennañ. An is-ofisour Geerner a gav poultrenn.

Ar c'hentañ kejadenn

Degemer Sven Hassel gant an Hauptmann Meier, penn ar 5vet kompagnunezh. Sven a zo kaset etrezek ar skouadrenn 2 dindan urzhioù al letanant von Barring, hag an iz-ofisour Beier, penn ar gevrenn 1. Taolennadur gentañ Beier, Porta, Eicken ha Steyer.

Ardigelloù ar Balkan

Tremen dre ar Balkanioù en un tren. Paouezh e kêr Makó en Hungaria. Joseph Porta a laer gwazioù hag a vez argaset gant ur mor a dud, savetaet ez eo gant ofisour pennañ ar 27vet rejimant panzer Manfried Hinka.

Splannderioù ar Balkan

Kavadenn un tren leun a voued hag a win. Porta kollet e kêr Bukarest (Roumania) aet da c'hoari kartoù. Soñjoù an dudenn pennañ war aloubadeg broioù kreiz ha reter Europa gant an Alamaned.

Ursula

Sven a ya da Vienna evit kejañ gant Ursula.

An devezhioù diwezhañ

Taolennadur resisoc'h eus Ursula. Kejadenn gant breur Hugo, Stege. Dimeziñ gant Ursula. Sven a zo roet da vezañ un Auslandsdeutscher gant diskennidi Danek-Aostrian. Distreiñ d'e rejimant.

Koñje Porta

Darvoudoù koñje Porta e kêr Berlin, rebechoù savet a-enep dezhañ war e vertuz, nac'hañ a ra bezañ tad meur a vugel.

War-zu Norzh Afrika

Beaj betek Naples. Paramantadur evit talbenn Norzh-Afrika. Lestradeg evit mont war-zu Tripoli. Bombezadeg ar charreadenn, mont d'ar strad. Kollet war-vor. Savetaet gant Morlu Italia. Kaset gant ar 27vet rejimant panzer etrezek talbenn ar reter.

Teir flac'h

Soñjoù Beier war ar brezel. Hans Breuer degemeret er gompagnunezh. Kejadenn gant teir flac'h toullbac'het war nes bezañ kaset er c'hampoù-bac'h. Sikour roet dezhi da dec'hout.

En Iliz

Gweladenniñ iliz Pinsk. Joseph Porta o c'hoari ograou ur mor a dud o tont da selaou anezhañ.

A-raok an argad

Hans Breuer a zo flastret e droad. 27vet rejimant panzer e Smolensk. Aozadenn an argad.

An abadenn

Pignat d'an talbenn en noz. Urzhioù ha displegadennoù war an emgann. Taolennadur an emgann, an hañv hag ar yenijenn e Rusia.

Toullbac'het

Keñveriadenn etre Hitler ha Stalin. Sven ha Fleischmann prizoniet. Diskrivadur ar c'hamp-bac'h soviedel. Tec'hout ha tizhout al linennoù alaman.

Ar pemoc'h Meier

Marv Hans Breuer. Istorioù war Meier hag e feulster. Kefridi furchal minennoù. Fin Meier, un tonkad ret.

Kouskit paotred

O klask repu ha kousk en ur gêriadenn rusian. Urzhioù da gas an tankoù war ur gompezenn ha da doullañ ur foz evit kuzhat anezho. Deskrivadur al labourioù, ar sikour degaset gant annezidi rusian ar gêriadenn nepell.

988vet batailhon adarme

Sven Hassel o vont war hent ur goñje. Roet lam d'ar goñje goude un dagadenn meur gant ar Rusianed o toullañ talbenn an Alamaned. Stourm e Volkov. Kentañ meneg eus ar c'hazh Stalin. Nedeleg 1942. Porta kollet.

An Ankou o falc'hat

Enraogoù lies, Porta a zo lakaet dre ret d'ar renk a Stabsgefreiter profitañ a ra evit lonkañ alkool forzh pe gement. Ar c'hazh Stalin a zo lakaet da Obergefreiter. Ebrel 1943. Lizher dieveshaet gant tad Ursula o tisplegañ penaos ez eo marvet. Sven mantret da vat o lonkañ forzh pegement hag o treiñ da sot, o pakañ ur fuzuilh-resisted ha tremen e holl amzer da lazhañ soudarded rusian en o fozioù difenn.

Emgannioù tankoù dizehan ar 27vet rejimant a zo riset a-fed tankoù met ivez a-fed soudarded (posupl e vefe emgann Koursk).

Peoc'h diforc'het

Komzadennoù war ar peoc'h, goude ar brezel hag ar reveulzi. Kaset ar rejimant war lec'hioù-stourm nevez met hep brezel eno. Ar Rusianed a zo sioul hag hegarat a-dreñv ar stêr Donets.

Tonkad enorus

27vet rejimant panzer bombezet gant kirri-nij Stuka. Tagadenn war ar rejimant maouezed-soudard rusian. Kiladeg.

An tren-hobregonet

Sikour ar soudarded nevez deuet. Kaset da stourm en un tren-hobregon. Sven a gej gant e gamaladez kozh infirmiourez anezhi, Asta. Emgann gant an tren-hobregon.

Hals-Und-Beinbruch

Emgann gant an tren-hobregon, distrujoù e-leizh. Sven ha Stege gloazet. Un devezh en un tren-ospital. An amzer en ospital.

Ur c'hleñved hir a hetan deoc'h

Kerzu 1943. Margaret ha Barbara an infirmiourezed. Marv kriz Hugo Stege, lizhiri Willi Beier "an hini kozh" evit displegañ. Sven o kuitaat an ospital evit distreiñ d'ar 27vet rejimant panzer.

Kenderc'hel a ra ar brezel hervez ar steuñv

Sven distroet d'ar rejimant, an unvez a zo fall he stad. Sven a zo rediet da zeskrivañ hag addeskrivañ pizh e droiad en ospital ha dreist-holl ar c'hlañvdiourezed (dilhad, korf...).

Propaganda sovied war an talbenn

Nedeleg 1943. Propaganda ar rusianed hag an efedoù war ar soudarded alaman. Film bannet gant ar Rusianed o tiskouez ar baradoz soviedel boued e-leizh ha merc'hed hudur prest da zegemer ar soudarded alaman a dec'hfe diouzh lu an Trede Reich. Istor ar rejimant maouezed-soudard rusian. Von Barring o kregiñ da vont gant evañ alkool.

Argiladeg Kiev

Enebiezh etre ar Wehrmacht hag an SS. Sven war an talbenn en troadegiezh dre vank a dankoù. Stourm taer a-enep tankoù. Taolenniñ spis hag euzhus eus ar brezel war an talbenn. Marv Pluto. Difenn an argiladeg, lakaat trapoù er fozioù-difenn.

Astennet war an orjal-dreinek

Marv Porta. Sven a zistro d'an ospital. Kaoz berr war penaos e oa bet trapet Sven e munudoù ar c'havailhad a-enep Hitler. Kejadenn gant ar chaseour-menez troet da sot. Miz Ebrel 1944.

E-penn ar gompagnunezh

Marv Barbara. Sven o tizhout ar renk a oberleutnant. Marv Willie Beier "an hini kozh" hag e obidoù. Roll-renabl hir holl kamaraded ar 27vet rejimant panzer aet da anaon ha penaos e oant marvet.

Von Barring

Von Barring troet da sot. Emglev etre Sven Hassel ha Manfried Hinka.

Un notennig a zo e-penn kentañ al levr lec'h ma kaver listenn ar gamaraded aet da anaon pe tostañ ouzh Sven Hassel. E-keñver plas Joseph Porta en oberenn ha neuze e istor gwirion Sven Hassel hervezañ e rankfe bezañ notennet met n'eo ket.
Iskis e seblant bezañ kavout ur rejimant pinijennañ kirri-hobregonet, n'eus roud ebet e vije bet unan all evit ar 27vet rejimant panzer (19vet rann panzer) met emañ ne oa ket unan pinijennañ anezhañ.
An tankoù a vez roet d'ar 27vet rejimant panzer taolennet en oberenn a zo e-touez ar re wellañ e servij e lu an Trede Reich, padal en gwirionez e oant roet d'an unvezioù arbennikaet ha brudet ar muiañ. Anat eo ne vijent ket roet d'ur rejimant pinijennañ.
Ne oa ket ral gwelet soudarded ar c'hirri-hobregonet panzer o vezañ kaset en trenioù-hobregonet evel taolennet el levr.