Geoffrey

Geoffrey zo un anv-bihan saoznek roet d'ar baotred, kar d'an anv brezhonek Jafrez. Dont a rafe eus ar c'hrennc'halleg Geoffrei, hag a zeufe eñ eus ar frankeg Godefrid.

Poltred Geoffrey Chaucer (XIX^vet kantved), Levraoueg Vroadel Kembre.

Jeffrey zo ur stumm saoznegaet all. An daou stumm-se zo berraet e Jeff ha Geoff a-wechoù gant ar saoznegerien a-vremañ.

Tud brudet

• Geoffrey eo anv saoznek kalz konted Anjev, sellout Jafrez. En o zouez emañ Jafrez V, diazezer an tiegezh Plantagenet a renas war Bro-Saoz e-pad kantadoù,
• Geoffrey of Monmouth, stumm saoznek Jafrez Menoe, istorour eus an XII^vet kantved,
• Geoffrey Chaucer (1343-1400), barzh ha skrivagner saoz, skrivet gantañ Istorioù Kêrgent,
• Geoffrey Roberts (g. e 1952), istorour saoz,
• Geoffrey Blake, anv meur a zen,
• Geoffrey Oryema (1953-2018), soner ha kaner ougandat.

Sellout ivez

• Jeffrey
• Jefferson
• Jafrez
• Geoffroy