Kounlec'h torridigezh ar sklaverezh

Kounlec’h torridigezh ar sklaverezh a zo ur c’hounlec’h lec’hiet e Naoned, gouestlet d’ar sklaverezh ha d’e dorridigezh. Digoret e oa bet e miz Meurzh 2012 en ur gêr hag a voe porzh-morianeta brasañ Breizh, hag unan eus ar re bennañ e Frañs.

Mont-tre ar C'hounlec'h

Deskrivadur

Savet tostik-tost ouzh Kae ar Foz e oa bet empennet gant an arzour poloniat Krzysztof Wodiczko hag an tisavour arc’hantinat-stadunanat Julian Bonder. Ar c’hounlec’h a vez kavet 2000 plakenn wer engravet ennañ, eñvoriñ ergerzhadegoù-morianeta Naonediz en 18vet kantved o fal dezhe^[1].

Digoret e oa bet d’ar 25 a viz Meurzh 2012 gant Jean-Marc Ayrault, maer Naoned ha deraour ar raktres, a-gevret gant prezidant kozh Benin Nicéphore Soglo, kannadez Gwiana Christiane Taubira, pe c’hoazh ar melldroader kozh Lilian Thuram^[2].

Skeudennaoueg

• 
  Digoradur ar c'hounlec'h gant Lilian Thuram, Nicéphore Soglo,
  Jean-Marc Ayrault
  ha Christiane Taubira.
• 
  Aozer ar c'hounlec'h Krzysztof Wodiczko
  e-kichen maer Naoned, Jean-Marc Ayrault.
• 
  Christiane Taubira
  o prezeg, deraouerez
  al Lezenn Taubira e 2001 a sell ouzh anaoudegezh an trafikerezh sklaved evel torfed a-enep Mab-Den.
• 
  Bezskrid ar C'hounlec'h gant an enskrivadur, tennet diouzh Disklêriadur Hollvedel Gwirioù Mab-den
  (mellad 4) : Ne vo dalc'het den er sklaverezh nag
  er sujidigezh ; berzet e vo kement stumm a sklaverezh
  hag a werzhañ-sklaved.

Pennadoù kar

• Kenwerzh tric'horniek