Lucrezia Tornabuoni

Lucrezia Tornabuoni a oa ganet e Firenze en 1427 ha marvet d'an 28 a viz Meurzh 1482, a oa pried Piero di Cosimo de' Medici, ha mamm Lorenzo de' Medici. Dre ma oa merc'h da Francesco Tornabuoni, un ozhac'h a ouenn uhel e Firenze, e roas tro d'an tiegezh Medici da dostaat ouzh an noblañs.

Lucrezia Tornabuoni

den

Reizh pe jener	plac'h
Bro ar geodedouriezh	Republik Firenze
Anv-bihan	Lukrécia
Deiziad ganedigezh	22 Mez 1427
Lec'h ganedigezh	Firenze
Deiziad ar marv	28 Meu 1482
Lec'h ar marv	Firenze
Lec'h douaridigezh	Basilica of San Lorenzo
Tad	Francesco Tornabuoni
Mamm	Nanna di Niccolo di Luigi Guicciardini
Breur pe c'hoar	Giovanni Tornabuoni
Pried	Piero di Cosimo de' Medici
Bugel	Nannina de' Medici, Lorenzo il Magnifico, Giuliano de' Medici, Maria di Piero de' Medici, Bianca de' Medici
Familh	House of Tornabuoni
Yezhoù komzet pe skrivet	italianeg
Micher	barzh, skrivagner
Lec'h annez	Firenze

Poltred Lucrezia Tornabuoni, a greder emañ diwar zorn Domenico Ghirlandaio, National Gallery Washington D.C..

Domenico Ghirlandaio, teir itron, munud eus Ganidigezh ar Badezour , Cappella Tornabuoni, Santa Maria Novella, Firenze (Lucrezia, c'hoar da Giovanni Tornabuoni, eo ar goshañ en tu dehoù).

Barzhez italianek e oa ivez. Mignonez e oa da dud evel Luigi Pulci pe Agnolo Poliziano.

Dimeziñ ha bugale

Dimeziñ a reas da Biero, mab da Cosimo de' Medici, e 1444, un den nav bloaz koshoc'h egeti, speredek ha troet gant an arzoù hag ar sevenadur. An tiegezh Tornabuoni en doa harpet Cosimo da zistreiñ da Firenze eus e harlu, hag un arouez eus an emglev etre an daou diegezh e oa an dimeziñ-se.

Anv	Manet	Marvet	Notenn
Bianca	1445	1505	Dimezet da Guglielmo de' Pazzi
Lucrezia detta Nannina	1448	1493	Dimezet da Bernardo Rucellai
Lorenzo lesanvet “il Magnifico	1449	1492	Aotrou Firenze, dimezet da Clarice Orsini
Giuliano	1453	1478	Muntret e-kerzh Irienn ar Re Pazzi. Ur mab en doe gant Fioretta Gorini hag a voe anvet da bab, Klemañs VII
Maria	1455	1479	Dimezet da Leonetto de' Rossi
Ur mab			Dianav e anv ha deiz e c'hanedigezh, marvet en bugel
Ur mab all			Dianav e anv ha deiz e c'hanedigezh, marvet en bugel
Giovanni			Mab bastard, a zimezas da Luigia di Giovanni de' Medici