Mol

Ar mol (simbol : mol) a zo un unanenn ziazez eus ar sistem etrebroadel a vez graet ganti war dachennoù ar fizik hag ar gimiezh dreist-holl. Ar mol eo kementad danvez ar sistemoù a zo enno kement a hamboudoù elfennel hag ez eus a atomoù e-barzh 0,012 kilogramad karbon 12. Graet e vez niver Avogadro eus an niver-se a hamboudoù a dalvez war-dro 6,0221353 × 10²³.

Pa vez kaoz eus moloù ez eo a-bouez bras lavaret ivez peseurt hamboudoù a vez kontet. Gallout a reont bezañ :

• atomoù
• molekulennoù
• ionoù
• elektronoù
• partikulennoù all
• strolladoù partikulennoù

Gwelet ivez

• Kementad danvez
• Paoter molel
• Pouez molekulel