Navarra

Navarra, e brezhoneg^[1] hag e spagnoleg, Nafarroa en euskareg, pe Navarra Uhel, Nafarroa Garaia en euskareg, eo ar vrasañ eus ar 7 proviñs a ya d'ober Euskal Herria (Spagn). Ur gumuniezh emren zo anezhi hec'h-unan ivez. Iruña pe Iruñea (Pamplona e spagnoleg) eo ar gêr-benn.

*Diwar-benn Nafarroa Uhel, pe Navarra Uhel, eo ar pennad-mañ. Evit kement Nafarroa pe Navarra all, sellit ouzh Nafarroa (disheñvelout).

Kartenn fizikel Nafarroa

An anv

Kumuniezh Forel Navarra (Comunidad Foral de Navarra en spagnoleg, Nafarroako Foru Erkidegoa/Komunitatea en euskareg) zo unan eus 17 kumuniezh emren Spagn, dezhi ur statud a emrenerez abaoe 1982.

Douaroniezh

• En hanternoz dezhi emañ Bro-C'hall, gant he departamant Pyrénées-Atlantiques, ennañ teir froviñs Ipar Euskal Herria.
• Er reter emañ Aragon ( proviñs Huesca )
• Er c'hreisteiz emañ La Rioja
• Er c'hornog emañ Kumuniezh Emren Euskadi (proviñsoù Gipuzkoa hag Araba).

Ar yezhoù e Nafarroa

An teir rannvro yezhel: an euskaregva, ar rannvro gemmesk, ar rannvro dieuskarek, e Nafarroa.

Dregantad an euskaregerien e Nafarroa

Yezh ofisiel Nafarroa eo ar c'hastilhaneg.
An euskareg avat zo yezh ofisiel en euskaregva, en hanternoz ar vro, un tamm evel e proviñsoù Euskadi. Rak rannet eo Nafarroa e teir rannvro yezhel, hervez al lezenn, al Ley Foral del Vascuence, eus 1986, pe Lezenn Foral 18/1986 eus ar 15 a viz Kerzu 1986 diwar-benn an euskareg^[2]), al lezenn a ro ur statud d'an euskareg er vro.
Diwar 272 kumun Nafarroa:

• 64 gumun zo en euskaregva, en hanternoz, ma'z eo kenofisiel an div yezh
• 98 kumun zo er rannvro gemmesk, ma kaver servijoù divyezhek evit an euskaregerien,
• 110 kumun zo er rannvro kastilhanek ma n'eus nemet ar c'hastilhaneg da yezh ofisiel. N'eo ket anavezet an euskareg.

Pa vez kenofisiel ar yezh eo anavezet gwir ar c'heodedour d'ober gant an euskareg ouzh ar velestradurezh.

Kêrioù Navarra

• Iruña (Pamplona e spagnoleg)
• Tudela
• Lizarra (Estella e spagnoleg).

Pennadoù kar, a bell pe a dost

• Rouantelezh Nafarroa
• Rouaned Navarra
• Merindadoù Nafarroa
• Komarkoù Nafarroa
• Kumunioù Nafarroa
• Benafarroa
• Euskal Herria
• Bardenas Reales, un dezerzh er vro.

Liammoù diavaez

• (fr) Porzh ofisiel da Nafarroa
• (fr) Breujoù Nafarroa
• (fr) Toutistelezh er vro