Pêr-Vari Kerloc'h

Pêr-Vari Kerloc'h zo 6vet drouiz meur Goursez Breizh, ar vreuriezh savet e 1899. Kemeret en doa lec'h Gwenc'hlan ar Skouezeg e penn Goursez Vreizh, war-lerc'h marv hennezh e 2008. Morgan eo e anv drouiz.

Ur pennad Kerloc'h zo ivez.

Ganet eo bet e 1952 e Douarnenez. Labouret en deus Pêr-Vari Kerloc'h evit La Poste e-pad bloavezhioù, ha dileuriad ar sindikad Force Ouvrière eo bet en embregerezh-se. Un toullad pennadoù en deus skrivet e kelaouennoù brezhonek evel Al Lanv ha Brud Nevez. Un dastumad barzhonegoù ha kanaouennoù savet gantañ zo bet embannet gant Mouladurioù Hor Yezh (dastumad “Skrid”) dindan an titl E-kreiz Breizh ha Reizh.

Liammoù diavaez

• Lec'hienn Goursez Kernev-Veur, gant keleier ha luc'hskeudennoù eus Goursez Breizh
• Lec'hienn Goursez Breizh (e galleg)
• Pennad embannet en Télégramme d'ar 26 a viz C'hwevrer 2008