Pomper

Stourm ouzh an tanioù-gwall, an dourioù-beuz ha gellout reiñ sikourioù liesseurt eo micher ar bomperien. Kefridi bennañ ur pomper a zo gwareziñ an dud, ar madoù hag an endro. Ur vicher diazez eus ar surentez keodedel eo. Tud a-youl-vat eo an darn vuiañ anezho, met lod a zo ur seurt soudarded.

Pomperien o lazhañ an tan

Pompiers amerikan en Irak

Pomperien Chicago

Pomperien en EPFL

Pleustradeg evit saveteiñ en Alamagn

Tennañ kuit ur c'houzañvad, Belgia

Pomperien Pölitz (Polonia)

Daoust ma kemm kefridioù ha statudoù ar bomperien eus an eil bro d'eben ez eus diazezoù hollek:

• ar stourm a-enep d'an tan-gwall
• derc'hel ar surentez ha saveteiñ pa 'vez ur gwallzarvoud pe gwallreuz naturel

Dont a ra ar ar ger "pomper" eus ar benveg a veze implijet gant ar bomperien er penn kentañ evit lazhañ an tan, da lavaret eo ur pomp dre zorn.

Pomperien Bro-C'hall

Dindan atebegezh ar c'humunioù ha kumuniezhioù kumunioù emaint, met muioc'h-muiañ a bomperien a vez gopret gant an departamantoù e Servijoù Departamant an tanioù-gwall hag ar sikourioù (Services départementaux d'incendie et de secours = SDIS). Daou rejimant al Lu gall a ra war-dro ar surentez keodedel ivez : Rejimant Pomperien Pariz hag ar Voraerion-Bomperien e Marselha.

Niver a bomperien

Niver a bomperien dre vro

Bro	Niver hollek	A-vicher	A-youl vat	Notenn
Alamagn	1 383 730	24 000	1 300 000	hag ouzhpenn : etre 30 ha 40 000 pomperien an embregerezhioù
Aostria	247 227
Belgia	17 000	5 000	12 000 (70 %)
Danmark	6 500	1 700	3 400	enno 1 400 konskried ; servij kêr roet d'an embregerezh Falck e 2/3 eus ar c'humunioù
Bro-C'hall	236 000	51 200	198 200 (79,5 %)	e touez ar 51 200 den a-vicher : 39 200 nannsoudard ha 12 000 soudard (BSPP, BMPM, UIISC 1,5 ha 7).
Luksembourg[1]	9 219	178	9 041
Izelvroioù	26 512	4 253	22 259 (85 %)
Bro-Saoz ha Bro-Gembre	58 000	35 500	16 500	15 000 den a-vicher darn-amzer ha 1 500 den a bolontez vat
Slovenia	60 860	860	60 000
Suis	121 200	1 400	119 400	hag ouzhpenn : tro 400 pomper embregerezh (stadegoù 2004)

Niver a bomperien dre vro evit 100 000 anezad

Bro	Niver hollek	A-vicher	A-youl vat
Alamagn	1 676	29	1 575
Aostria	3 033
Belgia	164	48	115 (70 %)
Danmark	120	31	63
Bro-C'hall	382	65	317 (85 %)
Luksembourg	2 081	40	2 041
Izelvroioù	164	26	138 (85 %)
Bro-Saoz ha Bro-Gembre	110	67	31
Slovenia	3 043	43	3 000
Suis	1 638	19	1 613

Kirri arouezius

Commons

Muioc'h a restroù diwar-benn

Kirri ar bomperien

a vo kavet e Wikimedia Commons.

• 
  Fichell-dan
• 
  Skeul vras
• 
  Karr evit ar sikour war an hentoù

Levrlennadur

• KOSTIOU Jeremi, Ur mirdi evit istor bras paotred-an-tan, e-barzh Ya !, niv. 428, miz Eost 2013, p. 3.