Revolver d'ordonnance modèle 1892

Ar revolver d'ordonnance modèle 1892 a oa arm-dorn standart an arme c'hall betek ma voe kemeret e blas gant ar pistolennoù damaotomatek MAS 1935 ha MAC 50. Produet e veze gant ar Manufacture d'Armes de Saint-Étienne.

Revolver d'ordonnance modèle 1892
Ur Revolver d'ordonnance modèle 1892
Kinnig
Bro orin	Frañs
Doare	Revolver
Mont en-dro	Platinenn un-ober / daou-ober
Kalibr	8 × 27 mm R
Saver	Manufacture d'Armes de Saint-Étienne
Bloavezh krouidigezh	1892
Mare servij	1892 - 1965 (Bro-C'hall)
Niver produet	Etre 200.000 ha 330.000 hervez orin an titouroù
Pouez ha muzulioù
Pouez (hep kartouchenn)	0,840 kg
Pouez (karget)	0,915 kg
Hirder	240 mm
Hirder ar c'hanol	117 mm
Perzhioù teknikel
Endalc'h	Taboulin 6 tenn
Lezenn
Rummad e Bro-C'hall	B

Istor ha teknik

Ijinet e voe ar revolver-mañ diwar c'houlenn ar arme c'hall adalek 1885 evit kemer plas ar Modèle 1873 hag e stummoù deveret.^[1] Ur revolver un-ober ha daou-ober eo, kambret e 8 × 27 mm. Gwintet e vez e daboulin a-zehou diwar c'houlenn ar varc'hegerezh a implije anezhañ gant an dorn kleiz. Karrezennet eo ar plakennoù-lamm. Peder rizenn a-gleiz zo d'ar c'hanol. Difiñv eo ar viz hag ar vizerez. Implijout a ra ar sistem Abadie evit distegnañ ar c'hi hep tennañ.

Implij

Gant ar Modèle 1892 e voe pourveziet holl rannoù an arme c'hall, ar polis, an FFI, an harkied hag an ONF betek 1962 evit servijoù zo. Implijet e voe e brezelioù trevadenniñ Frañs, en daou vrezel-bed, e brezel Indez-Sina hag e brezel Aljeria.