Tal

An tal eo al lodenn eus ar penn a-us an daoulagad, etre gwareg an abrant hag ar blev hag etre an daouividig.

Un den moal, dizolo e dal

Korfadurezh

Dindan kroc'hen ha kigennoù an tal emañ an askorn tal.

Kennasket gant skourr lagadourel an nervenn trigevell ha gant plezhad an empenn eo nervennoù skiantennel an tal, tra m'eo kennasket e nervennoù loc'hadel gant nervenn an tal.
Skourroù an nervenn-se en daouividig a gas urzhioù an empenn da gigennoù an tal.

E pep ividig ez erru an dalmerenn ividig, a gas ar gwad en tal dre dri skourr.

Sevenadur

• Arouez ar spered eo an tal e meur a relijion.
• En India e vez kinklet tal ar merc'hed.
• Er relijion gatolik e vez boulc'het arouez ar groaz war an tal.

Sellit ouzh ar ger tal er
wikeriadur, ar geriadur frank.