Tirol

Tirol a zo ur vro istorel en Alpoù hag ur rannvro europat (EuroRegion). Goude bezañ bet e dalc'h an Habsbourged abaoe 1369 e voe rannet etre Aostria hag Italia diwar emglev Saint Germain-en-Laye e 1919. Teir rannvro a zo bremañ :

Stad kevredet Tirol (pe Tirol an Norzh hag ar Reter, Aostria),
Su Tirol (Proviñs Bozen, Italia),
Trentino (Proviñs Trento, Italia).

Menezioù uhelañ Tirol eo an Ortler (italianeg Ortles, 3 905 m) hag ar Großglockner (3 798 m). Teiryezhek eo ar vro : e Tirol an Norzh hag ar Reter e komzer alamaneg, e Su Tirol alamaneg, italianeg ha ladineg (reto-romaneg), hag en Trentino italianeg.

Commons

Muioc'h a restroù diwar-benn

Tirol

a vo kavet e Wikimedia Commons.