Камчаткын хизаар

Камчаткын хизаар (ород: Камча́тский край) — Оросой холбоото уласай хизаар. Алас Дурнын холбооной тойрог болон Алас Дурнын эдэй засагай бүһэдэ багтана. Туйлай Хойто зүгэй нютаг мүн. Засаг захиргаанай түб — Петропавловск-Камчатский хото. 11 нютаг засагай аймагуудтай, 3 хотын тойрогуудтай.

Оросой холбоото уласай нютаг можо Камчаткын хизаар Камчатский край Туг Һүлдэ Холбооной тойрог Алас Дурнын ХТ Эдэй засагай тойрог Алас Дурнын ЭЗБН Засаг захиргаанай түб Петропавловск-Камчатский Газар нютаг 462 464 км² Хүн зон (2018) 464 275 хүн (79-р-р) Нягта һиирэг 0,68 хүн/км² Амбан сайд Владимир Илюхин Сагай бүһэ MSK +9 Автомашинын дугаар 41

Газар зүй

Петропавловск-Камчатскийһаа харагдаһан Авача галта уула (2741 метр үндэр).

Камчаткын хизаар Камчаткын хахад аралда, Оросой Алас Дурна хубида байрлана. Зүүн зүгтэ Номгон далайгаар, баруун зүгтэ Номгон далайн нэгэ хуби болодог Агнууриин тэнгисээр хүреэлэгдэнэ. Камчатка галта уула эдэбхитэй бүһэдэ оршоно. Нютаг можо дотор 300 галта уула байна, тэдэнһээ 29 эдэбхитэй гэжэ тоосоно. Эндэ Евразиин эгээн үндэр уула болохо — Ключевская Сопка (4750 метр үндэр) байрлана. Камчаткада олон гейзер ба дулаан аршаан байна.

Сагай бүһэ

Хизгаар Камчаткын сагта хамаарна. Иимэһээ Дэлхэйн координировалһан сагһаа 12 (UTC+12), Москвагийнхаас (MSK+9) юһэн сагаар түрүүлдэг.

Хүн зон

Хизаарайнгаа эгээн томо хото хадаа нютагай хүн зоной 56 % ажаһуудаг Петропавловск-Камчатский (2010 оной тоосоогой ёһоор 179 800).^[1] 2010 оной байдалаар арад түмэнэй бүлэглэлынь:^[2]

• Ородууд: 78,4 %
• Украиншууд: 3,6 %
• Корягууд: 2,1 %

Эгээн олон зонтой уугуул үндэһэн арад түмэн корягууд 2002 ондо нютагай хүн зоной 26,7 % ажаһууһан Коряк автономито тойрогто ажаһууна. Ондоо, үсөөн үндэһэн арад түмэн:

• Ительменүүд - (2394 - 0,7 %)
• Эвенүүд (1872 - 0,6 %)
• Камчадалнууд (1551 - 0,5 %)
• Чукчууд (1496 - 0,5 %)
• Алеудууд (401 - 0,1 %)

Оросой Хойто туйлай ондоо нютаг можотой адли можын хүн зоной тоо үсөөржэ байна. 1989 ондо хүн зоной тоо 471 932 байгаа. 1989 ба 2010 оной хороондо хүн зоной тоо 31,8 % үсөөрбэ.