Онтарио
From Wikipedia, the free encyclopedia
Remove ads
Онтарио (англи: Ontario) — Канадын түб хэһэгтэ оршодог можо болон Канадын можонууд дундаа хүн зон эгээн олон[6], нютаг дэбисхэрээр Квебекэй дараа орохо томо можо юм.[2] (Нунавут, Баруун Хойто нютаг дэбисхэр Онтариоһоо томо болобошье можонууд бэшэ бэлэй.) Онтарио баруун талаараа Манитоба можотой, зүүн талаараа Квебек можотой хилэ залгадагһаа гадна Миннесота, Мичиган, Огайо, Пенсильвани (Эри нуураар), Нью-Йорк зэргэ АНУ-ай можонуудтай (баруунһаа зүүн тиишэ) хиллэдэг. Онтариогой АНУ-тай залгадаг хилын ехэнхи хэһэг байгаалиин хилэ болон Лейк-оф-Вудс нуурһаа эхилээд, Ехэ Нуурнуудай дүрбынхи дундуур, тухайлбал Дээдэ нуур, Гурон нуур (Джорджын булан ороно), Эри нуур, Онтарио нуурай дундуур ябажа, саашаа Онтариогой Корнуоллой хабяар Гэгээн Лаврентиин голой уташань үргэлжэлдэг. Онтарио Ехэ Нуурнуудтай залгаа Канадын ганса можо болоно.
.jpg)
Онтариогой ниислэл Канадын эгээн томо хото болохо Торонто юм.[7] Канадын ниислэл Оттава мүн Онтариодо оршодог юм. Канадын 2013 оной хүн зоной тоололгоор Онтариодо 13 505 900 ажаһуугша тоологдоһон, 2006 ондо 12 160 282 Онтариогой ажаһугшад ниитэ уласай хүн зоной 38,5%-ые бүридүүлөө һэн.[8]
Тус можын нэрэ Онтарио нуурай нэрэһээ гаралтай болон энэ нэрэнь ontarí:io гү, али «ехэ нуур» гэһэн гурон хэлэнэй үгэһөө гаралтай,[9], мүн магадгүй ирокез хэлээр skanadario гү, али «һайхан уһан» гэһэн үгэһөө гаралтай байжа болоно.[10] Британиин Хойто Америкын Актаар 1867 оной долодугаар һарын 1-ндэ Канадые анха байгуулха үедэ Онтарио Нью-Брансвик, Шэнэ Шотланд, Квебекэй хамта тус уласай анханай дүрбэн можын нэгэ болобо.[11]
Онтарио 2004 ондо Канадын үндэһэнэй ниитэ үйлэдбэрилһэн бүтээгдхүүнэй 52%-ые үйлэдбэрилһэн Канадын ажаүйлэдбэриин һалбариие түрүүлдэг можо бэлэй.[12]
Remove ads
Зүүлтэ
Ном зохёол
Холбооһон
Wikiwand - on
Seamless Wikipedia browsing. On steroids.
Remove ads