Рязань
From Wikipedia, the free encyclopedia
Remove ads
Рязань (ород: Рязань; 1778 он хүрэтэр — Переяславль-Рязанский), Оросой холбоото уласай Рязаниин можын засаг захиргаанай түб, Ока мүрэндэ Трубеж мүрэн шудхажа ородог үзүүртэхи хүлэг онгосын зогсоол. Түмэр замай станци. 533 мянган хүн зонтой (2015). Машина бүтээлгэ (станок бүтээхэ, «Тяжпрессмаш», «Рязсельмаш» үйлэдбэриин холбоонууд; автомашинын агрегат бүтээхэ, автомашинын аппаратура, сахилгаанай тоног түхеэрэмжэ, тоолохо-шэнжэлхэ машина бүтээлгын г.м. үйлэдбэринүүд), газар тоһо болбосоруулха, химиин, хүнгэн, хүнэһэнэй, гэхэ мэтэ ажаүйлэдбэри. 4 дээдэ һургуулинууд (энэ тоодо Рязаниин гүрэнэй ехэ һургуули), 3 театрнууд. Түүхэ-архитектурын дархан саазын газар-музей, уран һайханай музейнүүд. Рязаньта түрэһэн И. П. Павловой гэр-музей. 1095 онһоо хойшо мэдэгдэһэн. Кремлиин уран барилгын ансамбльтань: Христорождествын (XV, XIX зуун), Архангелиин (XVI зуун), Успениин (XVII зуун, Я. Г. Бухвостов уран баригша) собор сүмэ, Арюун Һүнэһэнэй 2-асарта церковь сүмэ (XVII зуун), Архиепископой байшан тугдам (Олегэй Ордон нэрэтэй, XVII зуун) гэхэ мэтэ. Хотын дэбисхэртэнь: Абаралгын хиидай согсо (XVII—XVIII зуун), олон церковьнууд (XVII зуун), түб гудамжын классицизмын барилганууд, энэ тоодо Изагууртадай хурал (XVIII—XIX зуун), эмнэлгын газарнууд (XIX зуун), заха зээли (XIX зуунай эхин хахад).
Remove ads
Зурагууд
Христорождествын собор сүмэ (XV, XIX зуун)
Успениин собор сүмэ (XVII зуун, Я. Г. Бухвостов уран баригша)
Рязаниин гүрэнэй ехэ һургуули
Wikiwand - on
Seamless Wikipedia browsing. On steroids.
Remove ads