清朝

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

快速預覽

清朝，或者號𡅏滿清、大清（滿洲語：）共清國，是中國最後蜀隻封建王朝。滿清其皇帝都是滿洲儂（現在號𡅏滿族儂），姓「愛新覺羅」（滿洲語：）。

滿清皇帝其祖宗是建州女真其首領。努爾哈齊其郎爸、伊公共外公都敆明朝拍女真儂叛亂其辰候乞儂刣死，遘尾努爾哈齊就借嚽起兵，自稱後金皇帝，反對明朝。明朝派兵剃了去拍，都𣍐贏。滿洲儂聯合蒙古，差仂囝拍遘北京城。再好有袁崇煥、孫承宗各儂其保護，者城乍無乞伊拍下來。

遘皇太極手𡅏，吸收漢儂來做伊其部下。滿清罔變罔強大，拍贏朝鮮，拍下蒙古，1636年，將國號改成大清。

許辰候山海關是明朝共滿洲（現在號𡅏「東北」）其邊界。明朝派吳三桂去守關。者吳三桂是蜀隻出名其將軍，滿洲儂都野驚伊。

1644年，李自成造反篡位，吳三桂其郎爸乞李自成綁架，伊細婆陳圓圓也乞李自成其部下劉宗敏奪去。吳三桂野受氣，就放滿清部隊入關，將李自成滅囇。茲蜀年，滿清將首都搬遘北京。

滿清入關以後傳10隻皇帝（未入關其辰候固有2隻）。1911年發生辛亥革命，滿清乞孫中山其中華民國推翻。