Дешар

Де́шар — марталлин Ӏалашо хӀоттийна кхиоран а, Ӏаморан а процесс, ткъа кхин а хаар, карадерзор, мехала тӀехьажам, белхан а, компетенцин а зеделларг Ӏамор^[1]

Берийн бешах йолу класс, Афганистан

Хьалхара школа, Мексика

Шуьйрачу маьӀнехь, дешар — хьекъал, амал, стеган физикин таронаш кхоллало процесс я сурсат. Адаман зеделларг и адам делчи дан а ца довш, гулдо юкъараллехь кхиина хьекъал бахьнехь, къамелаш дан хаарехь, иштта гулделлачу зеделлачо кхоьллира оьздангалла. Оьздангалла – цхьаьна стеган зеделларг дац, ткъа йукъараллин зеделларг ду. Дешар и оьздангаллехь керла чкъоьрнашна гулдина хаарш дӀадаларан процесс ю. Дешар Ӏалашо хӀоттийна Ӏамадо юкъаралло дешаран меттигашкахула: берийн бошмашкахь, ишколашкахь, колледжашкахь, университеташкахь, кхин меттигашкахь, амма цуо ша дешаран таро дӀа ца йоккху, хӀунда аьлча шуьйра баьржина интермаша^[2] хиларна.