Жуьгтий

Жуьгтий, ЯхӀудий, Ӏебархой (Ӏеб. יְהוּדִים‎ — «йехӀудим», идиш ייִדן/אידן — «(й)идн», Ӏаьр. يَهُود‎‎ — «яхӀуд», ЯхӀуде йиллина цӀе йу) — иза самхойх схьадалар долуш къам ду, ширачу Исраилан а, ЯхӀудан а пачхьалкхийн бахархойх схьадаьлла долу, дуьненан дуккха а мехкашкахь дехаш долу, амма 1948-чу шарахь дуьйна иштта йолуш йу жуьгтийн пачхьалкх Исраил. Уьш схьакъаьсташ бу жуьгтийн динна йа оцу динах схьайаьллачу культурина а, тӀаьхьалонна а тӀаьхьабазарца. Бабило йийсарбиначул тӀаьхьа уьш бекъабелла яхӀудашка а, самирихошка а. Жуьгтийн дукхалла 2018-чу шар чохь лерича 14,6—17,8 млн гергга адам ду, «Berman Jewish DataBank» ма-бохху; царах 44,9 % Исраилехь Ӏаш бу, ткъа 39 % Америкин Цхьаьнатоьхначу Штаташкахь бу.

Жуьгтий
Шен цӀе	יהודים
Дукхалла	13,626[1]—13,855 млн[2]
ДIасакхалхар	АЦШ: 5 425 000[2]—6 814 000[1]  Франци: 478 000[1][2]  Канада: 380 000[1][2]  Йоккха Британи: 290 000[1][2]  Росси: 82 644[3]  Аргентина: 181 500[1]  Германи: 108 000[1]  Австрали: 112 500[1]  Бразили: 85 200[1]
Дин	Иудаизм
Этносин тобанаш	ашкеназы сефарды Йеменские евреи Романиоты Мистаарвим персидские евреи
Викиларми чохь медиафайлаш

Жуьгтийн дин дуккха а хийцамашкахула чекхдаьлла историн йохаллехь, къаьсттина ЯхӀудан пачхьалкх йоьжначул тӀаьхьа а, ШолгӀа килс йохийначул тӀаьхьа а, вайн эрин хьалхарчу бӀешарахь.

Ширачу весет чохь «яхӀуди» олучу терминан бух бевзаш бац. Амма и термин йалийна йу динан хьосташкахь а, Библин тептаршкахь а. Оцу хьосташа гойту «йахӀуди» олу термин ЯӀкъуб пайхамаран кӀанте ЯхӀуде йоьрзуш хилар.