![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cb/Kurdishrug.jpg/640px-Kurdishrug.jpg&w=640&q=50)
بەڕەی کوردی
From Wikipedia, the free encyclopedia
بەڕک یان (بەڕ، بەڕە، قالیچە، یاخود فەرشی کوردەواری) لە جیھانی مافوورفرۆشان بە مافووری کوردی (Kurdish rug) یاخود کوردستان ناسراوە و دەسکردی وڵاتی کوردستانە، لە ڕووی جوگرافیاوە لە ڕۆژھەڵاتی تورکیاوە دەست پێدەکات تا نزیک چیاکانی تۆرۆس و بەشەکانی خوارووی قەفقاز و باکووری عێراق و ئەرمەنستان و باکووری ڕۆژئاوای ئێران دەگرێتەوە. جوانی بەڕەی کوردەواری لە زاڵ بوونی ڕەنگی شین و سەوز و زەعفەرانی دیارە کە ئاخنراو بە نەخشی میناخانی و حەوزی گوڵزار. پەیکەری مافووری کوردی لە خوری چێنراوە و پتەو و توندە. مافوور و بەڕکی دەسکردی وڵاتی کوردەواری بەمە ناسراوە کە پڕە لە ھێما و ئاماژە، دەستچنی مافوورەکە ھەمیشە دەیەوێت بەسەرھاتی خۆی لە نەخشەکاندا گوزارشت بکات و پەیامێک ئاڕاستەی بینەری بکا. نزیکترین بەڕکی دەوروبەر کە نزیکە لە فەرشی کوردی فەرشی ھۆزی یوروکە لە (ناوەڕاستی ئەنادۆڵ) و فەرشی کوردی خۆراسانە (قۆچان).
![](http://upload.wikimedia.org/wikipedia/commons/thumb/b/bc/Disambig_RTL.svg/25px-Disambig_RTL.svg.png)
![Thumb image](http://upload.wikimedia.org/wikipedia/commons/thumb/c/cb/Kurdishrug.jpg/320px-Kurdishrug.jpg)
لە ڕۆژھەڵاتی کوردستان فەرشی بیجاڕ، فەرشی سونقوڕ لە ناوچەیی کولیاییی پارێزگەی کرماشان و ھەروەھا گلیمی شاری ھەرسین زۆر ناسراو و بەناوبانگە.