![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/53/CIA_map_Central_America_%2526_Caribbean.png/640px-CIA_map_Central_America_%2526_Caribbean.png&w=640&q=50)
Mari di i Caraibi
mari trupicale di l'Oceanu Atlanticu / From Wikipedia, the free encyclopedia
U Mari Caraibicu (o Mare Caraibicu) (dinuminazioni altirnativi: "Mari di i Caraibi", "Mari Caribicu") hè un mari trupicali in l'emisferu uccidintali, parti di l'uceanu Atlanticu, à sudu estu di u Golfu di u Messicu. Mari di tipu Mari Tarraniu, copri gran' parti di a placca caraibica. Hè dilimitatu à sudu da l'America Miridiunali, à punenti è à sudu punenti da l'America Cintrali, à nordu è livanti da l'Antigli (Cuba, Hispaniola, Giamaica è Portu Ricu di i Grandi Antigli à nordu, i Picculi Antigli à livanti). L'intreia aria di u Mari Caraibicu incù i numarosi isuli è i costi adiacenti hè cunnisciuta com'è i Caraibi.
![Thumb image](http://upload.wikimedia.org/wikipedia/commons/thumb/5/53/CIA_map_Central_America_%26_Caribbean.png/640px-CIA_map_Central_America_%26_Caribbean.png)
U Mari di i Caraibi hè unu di i più grandi mari di a Terra incù una superficia di circa 2.754.000 km²[1]. U puntu più prufondu hè à u largu di l'isula di Cayman, trà Cuba è a Giamaica, incù 7.686 metri sottu u liveddu di u mari. A costa caraibica prisenta unu svariatu numaru di baii è golfi trà i quali u Golfu di Gonâve, u Golfu di u Venezuela, u Golfu di Darien, u Golfu de los Mosquitos è u Golfu di l'Honduras.