Sempre Vivu ! (Qual'hà dettu ch'è noi eramu morti ?), una cumedia in lingua corsa, hè u sicondu film rializatu da Robin Renucci è a so prima longa mitratura. Hè statu rializatu in u 2007. Hè unu di i scarsi filmi corsi prugettati ancu in cuntinente è in Parigi.
Un picculu paese corsu di 150 abitanti lotta pè a so sopravivenza. Ma anu trovu una soluzione : quella di custruisce un teatru, cù l'aiutu financiariu di u guvernu, chì manda un ministru pè signà u cuntrattu cù u merre di u paese : Anghjulu Michelangeli, ghjucatu da René Jauneau. Ma a matina di u ghjornu chì deve vene u sgiò ministru, face un infartu pè causa d'abusu d'alcolu. A famiglia sana u crede mortu. Ma s'ellu hè mortu u merre, cume fà per ch'ellu signi u cuntrattu cù lu ministru?
A soluzione, dice Lellè, a moglia di u merre, ghjucata da Angèle Massei, hè trova! Dumanda à u so figliolu Salvatore (Wladimir Yordanoff), giandarmu è cunsiglieru generale, di traveste si pè ghjucà u rollu di u so babbu. Ciò chì mette in zerga u fratellu, Rinatu (ghjucatu da Pierre Laplace), un naziunalistu chì dumanda ch'elle sianu rispettate e tradizione corse.
Seguitanu assai quiproqui, bucie è rumore in paese, postu chì l'abitanti ùn sanu micca s'ellu hè mortu o micca u merre. Ma nimu avìa pinsatu à fà vene u medicu legistu per verificà a morte d'Anghjulu! È quand'ellu vene, scupremu chì difatti, ùn era ghjà mortu.
- Surtitu u 13 ghjunghju 2007
- Distribuzione : Francia : Shellac
- Durata : 90 minute
- Produttore : Alain Guesnier
- Realisatore : Robin Renucci
- Scenaristi : Robin Renucci, Jean-Bernard Pouy, Pierre Chosson, Ricardo Montserrat, Stéphane Gallet, Jean-Louis Milesi
- Imagina : Bruno Privat
- Muntera : Lisa Pfeiffer
- Musica : Bruno Coulais
- René Jauneau : Anghjulu Michelangeli, u merre
- Angèle Massei : Lèlle Michelangeli, a so moglia
- Wladimir Yordanoff : Salvatore Michelangeli, u figliolu colonele di gendarmeria
- Elise Tielrooy : Carole, a so nova amica
- Pierre Laplace : Rinatu Michelangeli, u sicondu figliolu, naziunalistu
- Nathalie Grandhomme : Anna, a so amica, incinta
- Guy Cimino : Pantaleone
U filmu hè surtitu in DVD u 20 di marzu di lu 2008
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.