Himantoglossum robertianum

Discrizzioni

Himantoglossum robertianum, ancu chjamata Urchidi giganti, hè un'urchidea terrania di a famiglia di l'Orchidaceae. 'Ssa spezia hè cunnisciuta pà a so grandi taglia è i so fiora imprissiunanti.

L'Orchis giganti pussedi un picciolu ribustu è drittu, pudendu aghjunghja insin'à un metru d'altura. I so casci sò liniari à lanceulati, di culori verdi chjaru o verdi scuru. Sò disposti à a basa di u picciolu è calchì volta longu à quiddu.

A fiuritura hà locu da ghjinnaghju à aprili. I fiora, ragruppati in gaspa densa, sò di culori rusulinu pallidu o purpureu, incù un labeddu trilubatu mori distintivu. U lobu cintrali, più longu chì i lobi latirali, hè divisu in dui parti è si stendi com'è una lingua, da induva u nomu Himantoglossum, chì significheghja lingua in striscia.

Remove ads

Ripartizioni

L'Orchis giganti hè spartu in u bacinu mediterraniu, dapoi a Spagna è u Portugallu sinu à a Turchia, è si stendi versu u nordu insin'à u sudu di a Francia è di l'Italia. Prifirisci l'ambienti aparti è assuliati, tali i pratulini, i machji, l'arici di furesti, è pò ancu essa truvatu in aliveti è vigneti.

Himantoglossum robertianum hè prutettu da a Cunvinzioni annantu à u cummerciu internaziunali di i spezii di fauna è di flora salvatichi minacciati d'estinzioni (CITES), chì intardisci u so cummerciu. Malgradu a so larga ripartizioni, 'ssa spezia faci l'ughjettu di misuri di cunsirvazioni in certi righjoni par causa di a distruzzioni di u so ambienti naturali divuta à l'urbanisazioni è à l'intensification di l'agricultura. 'Ssi sforzi di cunsirvazioni cumprendini a missa in piazza di riservi naturali, a surviglianza di i pupulazioni è prugrammi di riintruduzioni.

Himantoglossum robertianum hè prisenti in Corsica ma hè rara.^[1]

Remove ads

Himantoglossum robertianum

Discrizzioni

Ripartizioni

Rifarimenti

Noti

Wikiwand - on