Bôłt

Bôłt, Bôłtëcczé Mòrzé abò Bôłcczé Mòrzé (pòl. Bałtyk, Morze Bałtyckie, łac. Mare Balticum, miem. Ostsee, dëń. Østersøen, szwédz. Östersjön, est. Läänemeri, fiń. Itämeri, łot. Baltijas jūra, lët. Baltijos jūra, rus. Балтийское море) – je mòrzã, strzódlądowim partã Atlanticczégò Òceanu w Nordowi Eùropie. Mô wiéchrzëznã 422 300 km², głãbòkòsc do 459 m.

Satelitarny òdjimk Bôłtu òb zëmã

W mòwie rëbôków Bôłt je téż zwóny Wiôldżim Mòrzã, w ùprocëmnienim do Môłégò Mòrza, to je Pùcczi i Gduńsczi Hôwindżi.

Przédné òstrowë

• Gòtlandiô, Gotland – 3 200 km² (Szwedzkô),
• Òzyliô, Saaremaa – 2 650 km² (Estónskô),
• Òlandiô, Oland – 1 300 km² (Szwedzkô),
• Dago, Hiiumaa – 960 km² (Estónskô),
• Rana, Rügen – 926 km² (Miemieckô),
• Bòrnhòlm – 588 km² (Dëńskô),
• Ùznôm, Usedom – 424 km² (Miemieckô i Pòlskô),
• Wòlin, Wolin – 245 km² (Pòlskô),
• Alandzczé Òstrowë, Åland – 1 505 km² (Fińskô).

Przédné roztoczi

• Bòtnickô Roztoka,
• Fińskô Roztoka,
• Gduńskô Hôwinga,
• Pòmòrskô Hôwinga,
• Riskô Roztoka.

Lëteratura

• Kaszëbskô lëteratura : wëzdrzënë / Daniél Kalinowsczi, Adela Kùik-Kalinowskô ; tłómaczenié na kaszëbsczi jãzëk Dariusz Majkòwsczi, Gduńsk : Kaszëbskò-Pòmòrsczé Zrzeszenié : Instytut Kaszubski w Gdańsku, 2017, s. 21