Dawid Szulëst

Dawid Szulëst (en: David Martin Shulist) – ùr. 14 rujana 1951) – je kaszëbsczim dzejôrzã i kanadnym pòlitikôrzã. Òn je zasedzałim Kaszëbą w Kanadze, we wnożënie Wilno (Ontario) ùrodzonym. Jegò òjcã béł Môrcën Szulëst. D. Szulëst ùcził sã m.jin. w Òttawie, a je òd lat aktiwny w stowôrze Wilno Heritage Society. Dłudżi lata to béł ji szef^[1]. Wilno (Ontario) – jakno w mało jaczim jinszim môlu bùten Kaszëb, ùchòwôł sã przez kòle półtorasta lat kaszëbsczi jãzëk i zwëczi – wiele mù w òstatnëch latach zawdzãcziwô. Stowôrã Wilno Heritage Society wiele zrobia dlô ùchòwaniô i rozwiju kaszëbsczi kùlturë w Kanadze, a w tim jego aktiwné spòleznowé dzejanié mô znaczënk. Jesz jinszim gónã, na jaczim dzejô je mùzeum we wnożënie Wilno (Ontario). To je bëlny ôrt rozkòscérzaniô kaszëbiznë midzë lëdzama w Americe.

Òn biwô na Kaszëbach i òb czas swòjégò przebiwaniô tuwò pòznôł wiele aktiwnëch Kaszëbów. D. Szulëst mô wiôldżi cësk na przińdny rozwij i spopularizowanié kaszëbsczi materialny i dëchòwi kùlturë. Òn ùznôwô cësk pismionów, chtërne napisôł Günter Grass – noblista, np. „Kaszëbi są za mało niemiecczi dlô Niemców i za mało pòlsczi dlô Pòlôków” – dlô nich Kaszëbi są Kaszëbama. D. Szulëst achtnie téż pismiona, chtërne napisôł Alojzy Rekowski.

Òn w Żukòwie (kòlébce kaszëbsczégò wësziwù) pòdpisôł umòwã i przez wiele lat w tim gardze béł wëstôwk kaszëbsczich wësziwków ze szkòłów z Kanadë. Przë tim D. Szulëst i Theresa Chapeskie wiele zrobilë, a to je pótrzébnô dlô kaszëbiznë robòta^[2][3].

Òd 2008 rokù kaszëbsczi jãzëk bëło czasã czëc w “Radio Kaszëbë” w Kanadze, a D. Szulëst i Ray Chapeskie wiele przë tim zrobilë^[4]. W 2012 rokù D. Szulëst przërôcził pòlsczégò premiérã D.Tuska do zazëcégò tobaczi^[5].

M. jin. D. Szulëst zrobił dosc wiele, żebë Matka Bòskô Swiónowskô - Kaszëbskô Królewô, chtërna w kòscele w Swiónowie mô swój trón bëła znónô téż w Kanadze^[6][7].

M. jin. òn zrobił wiele, żebë w Kanadze zebrac karna ledzy rozmajitëch kùlturów, a òni grelë ze sobą w hokeja^[8]. D. Szulëst lubi rzeczónkã: “Wiedno Kaszëbë. Na wiedno Kaszëbi”. Òn w latach 2010 - 2014 béł wójtã gminë Madawaska Valley. Jak napisôł japońsczi ùczałi lingwista òn gôdô téż ò Kaszëbach: më bëlë, më jesmë, më wiedno bãdzemë.

Òn przënôlégô do karenka lëdzy w Nordowi Americe, co jakno pierszi są wëprzédniony za swòją robòtã dlô kaszëbsczi kùlturë^[9][10] np. medalią "Zasłużony Kùlturze Gloria Artis". W Kanadze, państwòwô nôdgrodã bëła mù przëznónô za czasów Michaelle Jean. W 2010 rokù D. Szulëst dostôł za swòje dzejanié Kawalérsczi Krziż z Pòlsczi. W 2016 rokù w Kanadze medalia bëła mù przëznónô za czasów David'a Johnston'a^[11]. Òn je wëprzédniony przëznôwónym przez Karno Sztudérów Pòmòraniô Medalã Stolema.