Басаев Шамиль Салманович

Басаев Шамиль Салманович, — Çавăн пекех ăна хăш-пĕр çĕршывсенче чечен халăх ирĕкĕшĕн кĕрешекенсен ертӳçи теççĕ. 1965 çулхи кăрлачăн 14-мĕшĕнче Чечня реуспубликин Веден районĕнчи Дышне-Ведено хуторĕнче çуралнă. 2006 çулхи утă уйăхĕн 9-мĕшĕнче ăна спецопераци иртерсе Раççей çар салтакăсем вĕлернĕ.

Пурнăçĕ

Шамиль Басаевăн ашшĕ чечен, амăшĕ авар пулнă.

Виçĕ хутчен Шамиль Мускав патшалăх университечĕн юридици факультетне кĕме тăрмашнă, анчах та конкурс тăрăх кĕреймен. 1987 çулта вăл вара Мускаври çĕр тытăмĕн инженерĕсен институтне вĕренме кĕнĕ, анчах та 1988 çылта вĕренме пăрахнă. 1991 çулта Чечняна каялла таврăннă.

1991 çулта Минераллă Шывсенчен Турцине вĕçекен самолёта вăрланă. Турцине çитсен парăннă хыççăн вĕсене Турци каялла Чечняна ăсатнă.

2000 çулхи кăрлач уйăхĕнче Шамиль мина çине лексе урасăр тăрса юлнă.

Сăтăрла ĕçсем

Шамиль Басаев хăй çине илнĕ, е ăна айăпланă сăтăрла ĕçĕсем:

• 1995, çĕртме, 14-17 — Будённовск çине тапăнни. 1600 çына тыткăна илнĕ. Вĕсене çăлнă вăхăтра 130 çын ытла вилнĕ.
• 1999, авăн уйăхĕ — Волгодонскпа Мускаври нумай хутлă çуртсене сирпĕтни.
• 2002, раштав, 27 — Грозный хулинче Правительство çуртне сирпĕтсе яни. 70 çын вилнĕ.
• 2004, авăн, 1 — Беслан хулинче шкула тытса илни. 350 çын, вĕсенчен çурри ачасем, вилнĕ.
• 2005, юпа, 13 — Нальчик хулине тапăнса кĕни.