Вĕрев температури

Вĕрев температури, Вĕрев пăнчи — улшăнми пусăм тăрăмĕнчи шĕвек вĕреме пуçланин температури. Çак вĕрев температури вĕрекен шĕвекĕн лаптак çийĕнчи тăраннă пăсăн температурипе тан. Шĕвекĕн хăйĕн температури вара кăштах пысăкрах пулать.

Клапейрон — Клаузиус танлăхĕпе килĕшÿллен, пусăм ÿснĕ майăн вĕрев температури те ÿсет, пусăм чаксан — вĕрев температури те чакать:

${\displaystyle T_{boil}=\left({\frac {1}{T_{boil.atm}}}-{\frac {R\cdot \ln(P/P_{atm})}{\Delta H_{boil}\cdot M}}\right)^{-1}}$,
кунта ${\displaystyle T_{boil.atm}}$ — атмосфера пусăмĕллĕ шĕвекĕн вĕрев температури, K,
${\displaystyle \Delta H_{boil}}$ — пăспулăмăн тата конденсациленнин пайлавла ăшши, Дж/кг,
${\displaystyle M}$ — моль масси, кг/моль,
${\displaystyle R}$ — газăн универсаллă константти.