Васильев Александр Михайлович

Александр Михайлович Васильев (утă, 13 - 1961 ç, Ирх Çырми ялĕ, Сĕнтĕрвăрри районĕ, Чăваш АССР çур.) — чăваш юрăçи, сăвăçи, композиторĕ.

Александр Васильев
Тĕп хыпар
Çуралнă вăхăт	1961 çулхи утă, 13
Çуралнă вырăн	Ирх Çырми, Сĕнтĕрвăрри районĕ, Чăваш АССР
Патшалăх	ССРП РФ
Профессисем	чăваш юрăçи, сăвăçи, композиторĕ
Жанрсем	чăваш эстради

Васильев хушаматлă урăх çынсем çинчен Википедире статьясем пур.

Чăваш Республикин тава тивĕçлĕ культура ĕçлевçи.

Кун-çулĕпе ĕçĕ-хĕлĕ

Амăшĕ медсестра пулса ĕçленĕ, ашшĕ машинăпа çӳренĕ. Çемьере пиллĕк ача çуралса ӳснĕ, Сантăр иккĕмĕш ача пулнă.

Совет Çарне йыхравличчен «Паха тере» фабрикăра çĕвĕ оборудованине юсакан вырăнĕнче тăрăшнă. Çар хĕсметĕнчен таврăнсан электровиçев механизмĕсен савутĕнче вăй хурать. Каярах Чăваш колхозстройпĕрлешĕвне ĕçе куçать, экскаватор çинче ĕçлет.

Çакăн хыççăнах культура училищинче кĕрет мар йĕркепе вĕренет, Шупашкар районĕн Кӳкеç паççулкин культура керменне ĕçе куçать.

Пултарулăх утăмĕсем

Чăваш Ен радиовĕпе телекурава ĕçе вырнаçсан, пултарулăх ушкăнĕпе чылай кăларăм хатĕрлесе кăтартнă: «Пĕрре курсах саврăм», «Чăваш пики», мăшăрлисен, хунямасен ăмăртăвĕсене ирттернĕ. Вунсаккăр çул хушши «Купăс, янра» кăларăва ертсе пынă.

Пултарулăхра Станислав Толстов, Надежда Русскова, Радик Иванов, Валентина Сытина композиторсемпе пĕрлĕ ĕçлет.

Александр Михайлович баянпа, гармоньпе, гитарăпа выляма ăста.

Çемье

Арăмĕпе пĕрле иккĕ хĕре ӳстерсе çитĕнтернĕ. Арăмĕпе хĕрĕ юрăçпа пĕрле тăрăшаççĕ.

Вуламалли

Каçăсем

• Александр Васильев, поэт, композитор, юрăç