Васильев Владимир Васильевич (кавалерист)

Васильев Владимир Васильевич, — кавалерист, Совет Союзĕн паттăрĕ^{[БС1 1]}, ^{[ГС 1]}, ^{[НЛ 1]}.

Васильев хушаматлă урăх çынсем çинчен Википедире статьясем пур.

Васильев Владимир хушаматлă урăх çынсем çинчен Википедире статьясем пур.

Владимир Васильевич Васильев
Ӳкерчĕк:Васильев Владимир Васильевич (кавалерист).jpg
Çуралнă вăхăт	1911 çул
Çуралнă вырăн	Раççей Империйĕ, Хусан кĕперни, халь Раççей Федерацийĕ, Чăваш Енĕн Красноармейски районĕ, Мăн Шетмĕ
Вилнĕ вăхăт	1945 çул, кăрлачăн 11-мĕшĕ
Вилнĕ вырăн	Кендзежин-Козел, Опаль воеводстви, Польша
Пăхăнулăх	СССР
Çар ăрачĕ	кавалери Кавалери
Хĕсмет çулĕсем	1942-1945
Хисеп	Аслă сержант
Чаç	1-мĕш Украина фрончĕн 1-мĕш гварди кавалери корпусĕн 1-мĕш гварди кавалери дивизин 1-мĕш гварди кавалери полкĕ
Çапăçусем/вăрçăсем	Иккĕмĕш Тĕнче вăрçи
Чыславсем тата парнесем

Совет Союзĕн Паттăрĕн чысне илнĕ вăхăтра 1-мĕш Украина фрончĕн 1-мĕш гварди кавалери корпусĕн 1-мĕш гварди кавалери дивизин 1-мĕш гварди кавалери полкĕн 4-мĕш эскадронăн пулемёт расчёчĕн командирĕ.

Кун-çулĕ

1911 çулта Чăваш Енĕн Красноармейски районĕнчи Мăн Шетмĕ ялĕнче, хресчен кил-йышĕнче çуралнă. 1945 çулта вилнĕ. Аслă сержант таран ӳссе çитнĕ.

Паттăр ячĕпе Чулхулан пĕр урамне ят панă.

Пурнăçĕ

Çичĕ çулта тăлăха юлнă хыççăн Шупашкарти ача çурчĕнче çитĕннĕ. 1924 çулта пиллĕк класс пĕтернĕ. 1931 çулта çара кайнă, Минскри кавалери полкĕнче çарта тăнă. 1934 çулта çартан таврăнсан Чулхулана куçса кайса унти чукун çул милицийĕнче ĕçленĕ.

1938 çултанпа Çĕнĕ Доскино посёлокĕнче пурăнма тытăннă. Чулхула автомобиль заводĕнче токарь пулса ĕçленĕ. 1939 çулта каллех çара кайма тивнĕ, Чулхулара çарта тăнă.

1942 çулта фронта кайнă, кавалери полкĕн пулемёт расчёчĕн командирĕ пулнă. 1943 çулхи пĕр çăпăçура аманнă хыççăн ăна кавалери училищине вĕренме янă.

1944 çул вĕçĕнче училищĕн пур курсанчĕсене те фронта янă. Владимир Сандомир плацдармĕ патĕнчи çапăçăва хутшăннă. Хăйĕн хастарлăхне вăл 1945 çулхи кăрлач уйăхĕнче Одер шывĕ урлă каçнă чухне кăтартнă. Фашистсем вăл вăхăтра юханшывăн сылтăм енне куçса çирĕпленме пуçланă салтаксем çине тапăнса кĕнĕ. Васильев расчёчĕ нимĕçсем виçĕ хут тапăнса кĕнине сирсе янă, 50 ытла фашиста персе вĕлернĕ.

Пулемётчиксем хăйсен пурнăçне шеллемесĕр сăрта хăйсен аллинче тытса тăнă, нимĕçсене яман. 1945 çулхи çĕртме уйăхĕн 27-мĕшĕнчи СССР Аслă Канаш Президиумĕн хушăвĕ тăрăх Владимир Васильевич Васильева Совет Союзĕн паттăрĕ ятне панă.

Чыславсем

• Совет Союзĕн Паттăрĕ ^[1]
• Ленин орденĕ

2003-мĕш çулта Мăн Шетмĕ шкулне Васильев Владимир Васильевич ятне панă ^[2]