Васильев Иван Васильевич

Васильев Иван Васильевич (1882, ака, 4 , Чăваш Чураппанĕ ял, Хусан кĕперни, (халĕ Теччĕ районĕ — 1974, нарăс, 16, Шупашкар, Чăваш АССР), — чăвашран тухнă чи малтанхи профессионал юрăçсенчен пĕри(баритон), педагог.

Иван Васильев
И. В. Васильев портречĕ. М. С. Спиридонов ӳкерçĕ. 1964. Пир, çу. 75×95 см. Чăваш патшалăхĕн ӳнер музейĕ
Тĕп хыпар
Çуралнă вăхăт	1882, ака, 4
Çуралнă вырăн	Чăваш Чураппанĕ ялĕ, Хусан кĕперни, (халĕ Теччĕ районĕ, Тутарстан)
Вилнĕ вăхăт	1974, нарăс, 16
Вилнĕ вырăн	Шупашкар, Чăваш АССР
Патшалăх	Раççей империйĕ, СССР
Профессисем	юрăç
Парнесем	Чăваш АССР тава тивĕçлĕ вĕрентӳçи (1957)

Васильев хушаматлă урăх çынсем çинчен Википедире статьясем пур.

Чăваш АССР тава тивĕçлĕ вĕрентӳçи (1957)^[1][2].

Пурнăçĕ

1882 çулхи ака уйăхĕн 4-мĕшĕнче (халĕ Тутарстанăн Теччĕ районне кĕрекен Чăваш Чураппанĕĕнче çуралнă.

Иван Васильевич Чĕмпĕрти чăваш шкулĕнче вĕреннĕ, 1901 çулта Хусанта вак халăхсен вĕрентӳçисен семинаринче вĕренсе тухнă. Юрă ăсталăхне Перĕм мусăк вĕрентĕшĕнче туптанă, каярах Питĕр хулинче - И.П. Прянишников тата И.С. Томарс патĕнче. 1938-1940 çулсенче Мускаври мусăкпа педагогика институтĕнче вĕреннĕ. Чăваш композиторĕсен юррисене концертсенче, радиопа анлă сарнă. Шупашкарти Ф. П. Павлов ячĕллĕ мусăк вĕрентĕшĕн вĕрентӳçи пулса тăрăшнă.

1974 çулхи нарăсăн 16-мĕшĕнче çĕре кĕнĕ.

Чысланисем

• Чăваш АССР Аслă Канашĕн Президиумĕн Хисеплĕ Грамоти
• СССР Культура министерствин «Пултаруллă ĕçленĕшĕн» хисеп палли.
• Чăваш АССР тава тивĕçлĕ вĕрентӳçи