Князькин Николай Григорьевич

Николай Григорьевич Князькин — Совет Союзĕн Паттăрĕ ^[1], аслă сержант, танкист. Вăл 1919 çулта Чĕмпĕр облаçĕн Чăнлă районĕчи Кивĕ Улхаш ялĕнче çуралнă. Чăваш. 1934-мĕш çулта тăван ялта 7-çулхи шкул пĕтернĕ. "Труд" колхозра шофер пулнă, 1938-мĕш çулта вербовкăпа Иркутск хулине кайса шофер пулса ĕçлет. 1939-мĕш çулта Хĕрлĕ Çара хесмете чĕнеççĕ. Инçет Хĕвелтухăçĕнче хĕсметре тăрать. Вăрçă пуçлансан механик-водителе вĕренме яраççĕ, кайран уралти танк тăвакан завода куçараççĕ.

Николай Григорьевич Князькин
Ӳкерчĕк:KnjazkinNikGr.jpg
Çуралнă вăхăт	1919 çул, пуш уйăхĕн 20-мĕшĕ
Çуралнă вырăн	Кивĕ Улхаш ялĕ Чăнлă районĕ РСФСР
Вилнĕ вăхăт	1943 çул, чӳкĕн 6-мĕшĕ
Вилнĕ вырăн	Хотив, Киев облаçĕн Киево-Святошин районĕ, Украина
Пăхăнулăх	СССР
Çар ăрачĕ	танк
Хĕсмет çулĕсем	1939-1943
Хисеп	Аслă сержант
Çапăçусем/вăрçăсем	Иккĕмĕш Тĕнче вăрçи
Чыславсем тата парнесем

Пĕр тăванĕ вилсен хăйне фронта яма ыйтать. Днепр юханшывĕ урлă каçнă чухне, Букрин тата Лютеж плацдарăмĕсенчи çапăçусене хутшăнать.

Кейӳ облаçĕнчи Мироново районĕнчи Малый Букрин патĕнчи çапăçура 2 тупă, 2 перекен вырăна, ротăна таран пехотăна пĕтерет. Хотив ялĕ патĕнчи çапăçура 2 тупă, 30 таран лаша урапи тата тăшманăн 3 огнеой точкине пĕтерет. Çав çапăçура вилет. Хотив ялĕнче пытарнă^[2], ^[3].

Чыславĕсем

• Совет Союзĕн Паттăрĕ ^[4].
• Ленин орденĕ.
• Кивĕ Улхашра ăна асăнса урам ятне панă, ял варринче палăк лартнă. Иркутск хулинчи мемориалта ун ятне асăннă.