Кривопавловка

Кривопавловка — Сарӑту облаҫӗн (РФ) Татищево районӗнчи Вязовка муниципаллӑ йӗркеленӗвӗнче вырнаҫнӑ ял^[2].

Ял Кривопавловка Патшалăх РаççейРаççей Федераци субъекчĕ Сарӑту облаҫӗСарӑту облаҫӗ Муниципаллӑ район Татищево районӗ Муниципаллӑ йӗркеленӳ Вязовка Никĕсленĕ 1743 Малтанхи ятсем Кривопаловка, Кривопольевка, Фокино[1] Пурăнан вырăн  Ял Почтă индексĕ 412182 ОКАТО кочĕ 63 246 805 003

Тавралӑх

Татищевӑран 25 ҫухрӑм ҫурҫӗр-тухӑҫалла вырнаҫнӑ. Ял Кивӗ Курдюм юханшывӗн тури юхӑмра лартнӑ^[2]. Кривопавловкӑпа юнашар ялсем: Ченыкаевка, Нееловка, Свинцовка, Новополье.

Ят

Сарӑту кӗпӗрнинчи бургомистрӗн Иван Кривопаловӑн хуторӗн ячӗнчен тухнӑ. Вӑхӑт тӑрӑх, Кривопаловкӑран Кривопавловкӑна ят улшӑннӑ^[3][4].

Кунҫул

Никӗсленӳ официаллӑ ҫулӗ: 1743 ҫул^[5]. Унтан, ялӑн урӑх ячӗ пулнӑ — Фокино (ялти улпутӑн ячӗ тӑрӑх). Анчах ку ят ҫирӗпленмен^[3]. 1800 ҫулта гварди сержанчӗн Николай Фокинӗн ялӗнче 19 ҫын пурӑннӑ. 1806 ҫулта титулярлӑ сӗнӳҫӗн Фокинӗн ялӗ — 57 ҫын^[6]. 1862 ҫулта ялта 20 кил хуҫалӑхӗпе 209 ҫын^[7]. 1867 ҫулта ирӗк хресченсем О.Ф. Яковлевӑн хӗр улпутран яла туяннӑ^[8]. 1911 ҫултан Вязовка вулӑсӗн йышӗнче. Ҫав вӑхӑтра ялта 274 ҫын пурӑннӑ^[9]. 1917 ҫулта ялта Кривопавловка ял канашӗ йӗркеленӗ^[3]. 1924 ҫулхи пуш уйӑхӗн 17-мӗшӗнче Свинцовка ял канашӗн йышне кӗнӗ. 1960 ҫулхи нарӑс уйӑхӗнче Свинцовка тата Октябрьский ял канашӗсем пӗрлешнӗ. 1930-мӗш ҫулсенче ялта "Новая жизнь" колхоз тунӑ. 1951 ҫулта Ченыкаевкӑри "Ленинский Путь" колхоза кӗнӗ (колхозӑн центрӗ Кривопавловкӑра юлнӑ). 1957 ҫулхи кӑрлач уйӑхӗн 28-мӗшӗнче Свинцовкӑри "Красное знамя" колхозпа пӗрлешсе "Ленинский Путь" ятпа юлнӑ. 1960 ҫулхи кӑрлач уйӑхӗн 20-мӗшӗнче Нееловкӑпа Новополйӗри "им. Кирова" колхоза кӗрсе "Ленинский Путь" ятпа юлнӑ. Колхоз центрӗ Октябрьскийре (ҫав вӑхӑтра Нееловка). 1961 ҫулхи нарӑс уйӑхӗн 27-мӗшӗнче СПКП Обкомӗн бюровӗпе РСФСР Министрсен Канашӗн йышӑнӑвӗпе "Ленинский Путь" колхоз, РСФСР Министрсен Канашӗпе Татищево райӗҫтӑвкомӗн 1961 ҫулхи пуш уйӑхӗн 7-мӗшӗнче №66 йышӑнӑвӗпе йӗркеленӗ "Вязовский" совхозӑн йышне кӗнӗ. Совхоза ӗлӗкхи виҫӗ колхоз кӗртнӗ: "Путь к Коммунизму", "Ленинский Путь", "им. 19 съезда КПСС". "Вязовский" совхозра 16 пурӑнан вырӑн пулнӑ. 1970 ҫулхи ҫӗртме уйӑхӗн 24-мӗшӗнче ялта шкул хупнӑ (унӑн уҫни ҫулӗ паллӑ мар).

Халӑх йышӗ

Халăх йышĕ
2010[10]
13

• 2002 ҫулта ялти 5 пурӑнакансен 100% — вырӑссем^[11].
• 2021 ҫулхи кӑрлач уйӑхӗн 1-мӗшӗнче — 15 кил хуҫалӑхӗпе 6 ҫын пулнӑ^[12].

Археологи

Кривопавловкӑпа юнашар икӗ курган ушкӑнӗсем тупнӑ^[3]:

• Курган ушкӑнӗ Кривопавловка-1 — 2 мӑкӑр (Бронза ӗмӗрӗ — Вӑтам ӗмӗр). Лаптӑк: 0,75 га.
• Курган ушкӑнӗ Кривопавловка-2 — 7 мӑкӑр (Бронза ӗмӗрӗ — Вӑтам ӗмӗр). Лаптӑк: 3,62 га.