Кушников Дмитрий Алексеевич

Дмитрий Алексеевич Кушников (1850, юпа, 15 — 1911, раштав, 20) — ялти тухтăр, Раççей империн патшалăх думин II чĕнĕвĕн Хусан кĕпĕрнинчен депутачĕ^[1].

Кушников хушаматлă урăх çынсем çинчен Википедире статьясем пур.

Дмитрий Алексеевич Кушников
Иккĕмĕш Думăн депутачĕ, 1907 ç.
Çуралнă вăхăт:	1850, юпа, 15
Çуралнă вырăн	Караево c., Сăпас уесĕ Хусан кĕпĕрни
Вилнĕ вăхăт:	1911, раштав, 20
Гражданлăх:	Раççей империйĕ Раççей империйĕ
Тĕне тытни:	православи
Парти:	Конституциллĕ-демократи
Ĕçлев тĕсĕ:	ялти тухтăр, Патшалăх думин II чĕнĕвĕн Хусан кĕпернинчен депутачĕ.

Биографи

Кушниковсен ăрачĕ Кушник (халĕ Сĕнтĕрвăрри районĕ, Чăваш Ен) ялĕнче Кушников çĕр хуçисем патĕнче тар юхтарса пурăннă^[2]. Ашшĕ Хусан Кĕпернин Сăпас усĕнчи Караево ялĕнче (халĕ Никольское, Лайăш районĕ, Тутарстан^[2]) сăваплăх хĕсметçи пулса тăрăшнă. Алексей хакал училиинчще вĕренсе тухса хусанти хакал семинарине вĕренме кĕнĕ те 4 курса вĕçлемесĕрех тухса кайнă. Сăваплăх ĕçтешĕ пулма килĕшменшĕн ашшĕ унран пăрăнать, пулăшма пăрахать^[3].

1870 çулта Алексей ирĕклĕ вĕренекен пулса тăрать, 1871—1875 çулсенче — Хусан университечĕн медицина факультечĕн студенчĕ^[2]. Пĕр хыпарсемпе, вăл 1875—1878 çулсенче Тухăç Çĕпĕрти Окма ылтăн шыравĕнче тухтăрта тăрăшнă^[2][4], теприсемпе, университетра вĕренсе тухсан, унтах ĕçе юлнă тата Хусан пульницисенче вăй хунă^[5].

1878—1879 çулсенче Хусан университетĕнче практикăра пулнă та 1879 çулта экзамен тытсан уес тухтăрĕ пулма тивĕçнĕ^[2][3][6].

Чĕре хĕстернипе вилсе кайнă.

Пайăр пурнăçĕ

• Арăмĕ — ?
  • Ывăлĕ — Пётр (1892—1960), совет вашĕсенче тата техникумĕсенче физикăна вĕрентнĕ, 1937 çулта ăна релятивизм теорипе лекцисем вуланăшăн ĕçрен кăларнă, пурнăçĕ тăршшипе ăна 5 хутчен (1920, 1922, 1930, 1938, 1949) аресленĕ, çав шутра 1938 çулта авăнăн 12-мĕшĕнче персе пăрахма йышăннă, тепĕр çул та 5 уйăх иртсен кăна (17.01.1940) айăпланине 8 çул лагерьте лармалла çине куçарнă^[7]