Николаева Елена Николаевна

Николаева Елена Николаевна (хĕр чухнехи хушамачĕ Кузнецова) — паллă чăваш спортсменĕ, тава тивĕçлĕ спорт ăсти (çамăл атлетика, 1992). 1966 çулхи нарăс уйăхĕн 1-мĕшĕнче Чăваш Енĕн Сĕнтĕрвăрри районĕнчи Акшик ялĕнче çуралнă.

Елена Николаева
Пайăр хыпар
Арлăх:	хĕрарăм
Тулли ят:	Елена Николаевна Николаева
Гражданлăх:	Ӳкерчĕк:Flag of russia.svg
Ăстаçăлăх:	хăвăрт утасси
Çуралнă вăхăт:	1 нарăс 1966(19660201)
Çуралнă вырăн:	СССР, РСФСР, Чăваш АССР, Сĕнтĕрвăрри районĕ, Акшик
Тренер(сем):	Н. Васильев, Анатолий тата Геннадий Семёновсем, Николаев Анатолий
Чыславсемпе медальсем Çуллахи Олимп вăййисем Кĕмĕл Барселона 1992 10 км Ылтăн Атланта 1996 10 км Тĕнче чемпионачĕсем Бронза Гётеборг 1995 10 км Ылтăн Парис 2003 10 км Пӳлĕмри тĕнче чемпионачĕсем Ылтăн Торонто 1993 3 км Европа чемпионачĕсем Бронза Хельсинки 1994 10 км Кĕмĕл Мюнхен 2002 20 км

Хисеп орденĕпе чысланă. Чăваш Енĕн физика культурипе спорт тава тивĕçлĕ ĕçченĕ (1992). 1997 çулта Шупашкарăн хисеплĕ гражданинĕ ятне панă.

Тренерĕ — Раççей тава тивĕçлĕ тренерĕ Николаев Анатолий

Пурнăçĕ

• Октябрьски шкулĕ (Сĕнтĕрвăрри);
• Шупашкарти спорт ăсталăхĕн шкулĕнче вĕреннĕ;
• 1998 çулта Чăваш патшалăх ял хуçалăх академийĕнчен (эконом факултечĕ) вĕренсе тухнă.
• 2002 çултан Чăваш Республикин Патшалăх Канашĕн депутачĕ.

Пĕрремĕш тренерĕсем — Н. Васильев (шкулти вĕрентекен),Анатолий тата Геннадий Семёновсем.

Çитĕнĕвĕсем

• XXVI Олимп вăййисен (1996) чемпионĕ;
• XXV Олимп вăййисенче (1992) иккĕмĕш вырăн йышăннă;
• нумай хут СССР чемпионĕ (1988, 1992) пулнă;
• хăвăрт утассипе Раççей Федерацийĕн чемпионĕ (1995, 1996);
• 2003 çулта Европа Кубокне çĕнтерсе илнĕ;
• 1995 çулта Тĕнче Кубокĕнче кĕмĕл медальне, 1993 çулта пăхăр медальне çĕнтерсе илнĕ.
• Европа тата тĕнче рекордсменĕ.

Вуламалли

Каçăсем

• Елена Николаева IAAF сайтĕнче
• Я ровесница женской спортивной ходьбы
• Влюблённая в ходьбу